ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 182, 15.12.2018/

Тукай өчен рәхмәт!

 

Татарстан белән Чехия арасы якыная. Иннополиска исә “ашыгыч ярдәм” машиналары җибәрәчәкләр. Татарстан Хөкүмәт йортында узган брифингта көн кадагында торган мәсьәләләр турында сөйләделәр.

2-1  
Казан Кремленең рәсми вә­киле Лилия Галимова чыгышын рәс­ми яңалыклардан башлады. Чәршәмбе көнне Татарстан Президенты Рөстәм Миңне­ханов Мәс­кәүгә кыска вакытлы эш сәфәре кысасында, Россия Федераль салым хезмәте җитәк­чесе Михаил Мишустин белән очрашты. Яклар  үзмәшгульләргә салым кертү мәсь­әләсе турында да фикер алышкан. Инде хәбәр иткәнебезчә, киләсе елда илнең дүрт төбәгендә, шул исәптән, Татарстанда һөнәри керемгә салым кертеләчәк.


Татарстанга эш сәфәре белән Чехия делегациясе килде. Бүген Казанда Россия белән Чехия арасында икътисади, сәнәгать һәм фәнни-техник хезмәттәшлек буенча хөкүмәтара комиссия утырышы узачак. “Чарада Россия сәнәгать һәм сәүдә министры Денис Мантуров һәм аның Чехия­дәге хезмәттәше Марта Новакова катнашачак”, – диде Лилия Галимова. Комиссия утырышының республика башкаласында узуы очраклы түгел, бу – ике арада ныклы хезмәт­тәш­лек булу билгесе, дип ас­сызык­­лады Казан Кремле­нең рәсми вәкиле. “Татарстан – Чехия бе­лән тыгыз элемтәдә торучы илнең алты төбәгенең берсе. Узган ел нәтиҗәләре буенча, ике арада тышкы сәүдә әйләнеше 447,4 миллион доллар тәшкил итте”, – диде ул.


Дәрәҗәле кунакларны бүген республика башкаласында узучы “Машина төзелеше. Металл­ эшкәртү. Казан” күргәзмәсендә дә көтәләр. Чарада Чехиядән 12 компания катнаша. Татарстан Президенты чәршәмбе көнне ачылыш тантанасында билгеләп үткәнчә, республикада мондый күргәзмә оештыру күркәм га­дәткә әйләнде. “Ул – машина тө­зелеше өлкәсендә төбәкнең потенциалын күрсәтү өчен яхшы мөмкинлек”, – диде Рөстәм Миң­неханов. Ачылыш тантанасында Чехиянең Россиядәге Гадәттән тыш һәм Тулы вәкаләтле Илчесе Витезслав Пивонька, Германия­нең Тюрингия федераль җире­нең Икътисади үстерү агентлыгы генераль директоры Андреас Края да катнашты.


Татарстан белән Чехия арасындагы элемтәләрнең яхшырачагына шик юк. Казан Кремленең рәсми вәкиле әйтүенчә, чит илнең “ЛОГИО” технологик компаниясе Иннополиста махсус үсеш үзәге ачарга җыенуы турында белдергән. Моннан тыш, Чехиянең “Югострой” концерны да Татарстанда эшли башларга мөмкин. Аларны “Алабуга” махсус икътисади зонасы кызыксындыра икән.


Кичә Казанга, Рөстәм Миң­неханов белән очрашырга дип, илнең цифрлы үсеш һәм элемтә министры Константин Носков килергә тиеш иде. “Чара кичектерелде, – диде Лилия Галимова. – Министр соңрак киләчәк”. Константин Носков үзе килмәсә дә, Казанга министрның хез­мәт­тәш­ләре килгән. “Рөстәм Миңн­е­ханов федераль үзәк вәкилләре белән цифрлаштыру һәм телетапшырулар турында фикер алышачак”, – диде Казан Крем­ленең рәсми вәкиле.


Лилия Галимова ил аэропортларына танылган шәхесләр исемнәрен бирү уңаеннан үткә­релгән тавыш бирү нәтиҗәлә­ренә дә тукталды. Җиңүчеләр 5 декабрьдә билгеле булды. “Казан” аэропортына Габдулла Тукай исемен бирү өчен 70 меңгә якын кеше тавыш бирсә, “Бигеш” аэропортына Николай Лемаев исемен бирергә теләүче­ләр 32 меңнән артып киткән. “Барысы да ачыктан-ачык узды. Әлеге эштә катнашуыгыз өчен рәхм­ә­тебезне җиткерәбез. Россия Прези­ден­тының аерым географик объектларга танылган шә­хесләр исемен бирү турындагы указы имзаланды. Алга таба исем кушу эше Россия Хөкүмәте тәкъдиме белән Президент тарафыннан башкарылачак. Моңа карап, географик объектның исеме үзгәртелми. Бу эшнең ничек тормышка ашырылачагын зур кызыксыну белән көтәбез. Әлеге мәсьәләне аэропортлар үзләре хәл итәчәк. Җәмәгать­челек фи­ке­ренә колак салырлар, дип тә өметләнәбез”, – диде Лилия Галимова.


Бу көннәрдә Иннополиста 35 яшьлек ир-атның вафат булуы турында да билгеле булды. Үлемгә китергән сәбәпләр арасында, шул исәптән, илнең иң яңа шәһәрендә “ашыгыч ярдәм” станциясе юклыгын да атадылар. “Мәрхүмнең туганнарының һәм якыннарының авыр кайгысын уртаклашабыз. Алдан ук шуны искәртеп үтәсебез килә: план нигезендә, 2019 елда Иннопо­лис­та ”ашыгыч ярдәм” станциясен ­төзү каралган иде. Гадәттән тыш хәлдән соң, Рөстәм Миңне­ханов бу эшне тизләтергә кушты. Белүемчә, “ашыгыч ярдәм” машиналары бүлеп биргәннәр инде”, – диде Казан Кремленең рәсми вәкиле.

(“Ватаным Татарстан”,   /№ 177, 07.12.2018/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!

Фотохәбәр

Видеохәбәр