ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 21, 13.02.2019/

“Затлысына гына кул чабам”


Безнең халык җыр тыңларга бигрәк ярата. Моның шулай икәненә концертларга барган саен инанып кайтам. Шимбә көнне булган “Татарча солянка”да җыр­чыларны тыңлау белән беррәттән тамашачыны да күзәтеп утырдым.

4-3
Урыным өлкән яшьтәге ир белән хатын артына туры килде. Вәт, замана, минәй­тәм. Өйдә ике үсмер кы­зымның телфоннарын алып куеп, тәртипкә өйрә­теп маташам. Ә монда бар халык кулында шул. Җыр­чылар­ның сәхнәгә чыгуы була, әй, төшерә башлыйлар. Минем алда утырган ир-ат сәхнәне генә түгел, хатынын да онытмый. Анысы исә, елмаеп, кул болгап куя. Бу бабайның юк-бар артистларга телефон хәтерен әрәм итмәвен дә абайлап алдым.


Вакыт-вакыт сәхнәгә дә күз ташларга онытмыйм. Әнә Әлфинә Әзһәмованы зал ничек алкышларга күмә. Сызгыралар, кычкыралар. Ринат Рәхмәтуллинны да сагынганнар. Ә менә Раяз Фасыйховка ак яулыклы әби чәчәк бүләк итте. “Мин хәтта каушап та калдым. Әбием тәрбиясендә үскәнгә, миңа ак яулыклы хатын-кызлар аеруча якын. Иҗатымны ярат­каныгызга рәхмәт”, – диде Татарстанның атказанган артисты.


Алып баручыларның, җиде сәгатьлек тамаша көтелә, дигәнен чынга алып кабул иткән кешеләр дә бар иде. Халыкның ял итәргә килгәне күренеп тора. Кул чабып кына утырмыйлар, бииләр дә, хәтта... үбешәләр дә. Анысына Зинира белән Ризат Рамазановлар сәбәп­че булды. Тамашачы сәх­нәдән җибәрми торгач, алар өченче җырларын бү­ләк иттеләр. Алдагы рәттә утыручы 47 ел бергә яшәүче парга “задание” дә бирелде. Әгәр алар җырның бер өлешендә бер-берсен үбеп алалар икән, Рама­за­нов­ларның концертына чакыру билеты бирәчәкләр! Бабай алай һәвәс булмаса да, әби мондый җирләргә йө­рергә ярата, ахры. Ризат әйткәнне дә көтмичә, бабайны “пәп” итеп ала. Тамашачы хуплап кул чаба. Шулай итеп, бәйрәм залга күчте. Әмир бабайның карчыгы шул минутта чакыруны да сорап алырга онытмады. Алып баручылар Айваз Садыров белән Рамил Шәрәфиев бераз “төртте­реп” тә алды үзләренә. Мондый кызык мизгелләр күп булды. Тамаша вакытында бү­ләкләр дә уйнаттылар. Минем алда утырган парга бер айдан буласы концертка ике кешелек билет эләкте. Әби дигәнем, яшь кызлардай сәхнәгә дә менеп йөгерде. Хәтта Зөбәр­җәт ханымның пенсионер икә­ненә дә ышанмадылар.


Хәмдүнә Тимергалиева, сәхнәгә чыгуга, үземә багышланган җыр җырлыйм дип, моңсу көй сузды. Анда, хәлең ничек, диеп сорасалар, әйбәт, диеп җавап би­рәм, дигән сүзләр дә бар иде. Тамашачы аны бик яратып кабул итте.
“Татар радиосы” оештырган мондый “солянкалар” күп булмый икән. Айваз әйтүенчә, татарчасы, язгысы, кышкысы бар. Ә тамашачыга җырчылар күп булган, озак бара торган бәй­рәм кирәк тә инде.


– Атна саен ял итәбез. Пенсия җитмәгәч, эшкә кердем. Шул акчага концертларга йөрим. Монда килгәч, арыганнар онытыла, яшь­лек­кә кайтам. Әле ярый дус­тым Флүрә гел ияртеп йөри, – ди 69 яшьлек Сания апа, минем фикерләрне җөпләп.

(“Ватаным Татарстан”,   /№ 20, 12.02.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!