ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 21, 13.02.2019/

Урманнар артачак!


Татарстан урманчыларын эшләргә өйрәтмәк­челәр. Әле алай гына да түгел, киләчәктә урманнар калынаеп, сулар һава чистарачак. Бар максат – яшеллекне саклау, янгыннарга юл куймау. “Экология” илкүләм проекты кысасында урманчыларга акча бирмәкчеләр.

2-2
– Әлеге проект тиздән расланачак. Татарстанга якындагы елларда урман янгыннарын сүндерү техникасы алу өчен ел саен 44 миллион сум акча бүлеп бирү күз алдында тотыла. Урманчыларга үз алдына куйган планнарын тормышка ашырырга мөмкинлек туды. Һәр төбәк тә сизелерлек күләмдә акча алачак, – ди Россия табигый ресурслар һәм экология минис­тры урынбасары – Федераль урман хуҗалыгы агент­лыгы башлыгы Иван Валентик. Илдә урман янгыннарын сүндерү техникасы алу өчен 22,5 миллиард сум акча тотылачак.


Мәскәү кунаклары, Татарстан Премьер-минис­тры Алексей Песошин бе­лән очрашып, урман тармагы буенча килеп туган со­рау­ларны уртага салып сөй­ләште.


Федераль агентлык җи­тәкчеләре дә Татар­станның соңгы елларда урманга сакчыл карашын билгеләп үтте.


– Сездә агачларга хөр­мәт белән карау бар. Та­би­гатькә җитәкчеләр тарафыннан да зур игътибар бирелә, – ди Иван Валентик. – Якын киләчәктә үзагач җитештерүгә дә игътибар артачак. Бу өлкәдә контроль артыр дип уйлыйм. Урманнарны исәпкә кую эшләре дәвам итә. Күп кенә төбәкләрдә урманнарга санитар чистарту үткәрелмә­гән. Ә кайберләрендә бу эш башкарылган дип хисап ясалса да, тикшерә торгач, урман кисүнең башка очрак­лары ачыкланган, эш хокук бозуга кадәр барып җиткән.


2018 елда урман торгызу эшләре актив алып барылган. Республикада 30 миллион данә үсенте утыртылган. Урманны торгызуда Татарстанда эшләп килүче 60 питомникта үстерелгән кәлшәләр кулланалар.


– Әле эш быел да дәвам итәчәк. Урманчылыклар инде бүгеннән 48 тоннадан артык орлык әзерләп куйган. Питомникларда да эш гөрли. Анда миллионлаган кәлшә үсеп утыра. Әйтик, 30 миллион данәнең  24 миллионы – ылыслы, 5 миллионы – яфраклы агачлар, калганы – куаклар, – ди урманчылар.


– Урманнарны саклау, торгызу, үстерү – төп бу­рыч­ларның берсе. Урманнар республика халкына яшәр өчен экологик яктан уңайлы җирлек тудырырга тиеш. Федераль дәрәҗәдә ярдәм тойганга, Татарстан урман хуҗалыгы 2018 елда барлык ниятләгән эшләрен башкарып чыкты. Тагын бер сөенечле хәл – инде сигезенче ел рәттән урманда янгыннар юк, – ди Алексей Песошин.


Киңәшмә азагында Федераль урман хуҗалыгы агентлыгы һәм ТР Министрлар Кабинеты арасында урман мө­нәсәбәтләре өлкәсендә үз­ара хезмәттәшлек турында ки­лешү имзаланды. Документка Алексей Песошин һәм Иван Валентик имза куйды.

(“Ватаным Татарстан”,   /№ 20, 12.02.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!