ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 26, 21.02.2018/

//

Язгы сессия киләсе атнада ачыла

 

Дәүләт Советында язгы сессия ачыла. Кичә парламент Президиумы утырышында сессиянең утыз бишенче утырышының 20 февральгә билгеләнүе турында карар кабул ителде. Аның көн тәртибенә 36 мәсьәлә, шул исәптән 15 республика законы проекты, 10 федераль закон проекты һәм Ленинград өлкәсе Законнар чыгару Җыенының бер закон инициативасы кертелгән.

5-1
Дәүләт Советы Секретаре Лилия Маврина бил­геләп үткәнчә, 14 закон проекты беренче укылышка әзерләнгән. Аерым алганда, бюджет кредитларын реструктурлаштыруны, шулай ук аларны тү­ләүне 2024 елга кадәр ки­черүне күздә тоткан республика бюджетына федераль бюджеттан кредитлар бирү турында өстәмә ки­лешүләрне раслау хакында закон проекты. Шулай ук Гаилә һәм Бюджет кодексларына үзгәреш­ләр керт­кән закон проектлары һ.б. беренче укылышта карап тикшереләчәк.


Парламентчылар контрольлек вәкаләтләрен баш­­кару кысаларында 2010 елга полиция эшчәнлеге турында Татарстан Республикасы буенча эчке эшләр министры­ның, шулай ук ТР Президенты каршындагы Эшмәкәрләр хокукларын яклау буенча Вә­каләтле вәкил, Кеше хокуклары буенча Вәкаләтле вәкил чыгышларын тыңлаячак.


Президиум утырышында Дәүләт Советының 2018 елдагы эшен оештыру буенча чараларының Үрнәк планы кабул ителде. Дәүләт Советы Рәисе тәкъдиме белән Планга гражданнарны законнар иҗат итү процессына җәлеп итүгә юнәлдерелгән “Законнарны бергә язабыз!” дигән парламент проекты ­кер­­­тел­­­­гән. “Республикабызда яшәүчеләр белән очрашуларда сайлау­чы­ларның закон проектларын эшләүдә яки гамәлдәге законнарны ях­шыртуда катнашу теләге күренә”, – дип басым ясап әйтте Фәрит Мөхәм­мәтшин. – Әлеге проект сайлаучыларыбызга якынрак булу мөмкин­леге бирәчәк”.


Парламент башлыгы әй­түенчә, законнар әзерләгәндә халыкның да фикере исәпкә алынырга тиеш. "Алардан килгән һәр тәкъдим исәпкә алыначак. Яхшы законнар бергә языла", – диде ул. Тәкъ­димнәрне Татарстан Дәүләт Советының рәсми сайтына, парламентның "Фейс­бук"­­тагы сәхифәсенә, "Ватаным Татарстан" һәм "Республика Татарстан" газеталары редак­цияләренә юлларга мөмкин.

 

Татарстан Республикасы Дәүләт Советы Президиумы карарлары

(“Ватаным Татарстан”,   /№ 22, 14.02.2018/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!

Фотохәбәр

Видеохәбәр