ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 42, 23.03.2019/

Кызамык кызартып кына калмый


Республикада 2015-2016 елларда кызамык белән авыручы 5 кешене теркә­гәннәр. Белгечләр чирне Казахстан, Сербия, Саха-Якутия, Һиндстаннан керде, ди. 2017 елда авыру очрагы булмаган. Уз­ган ел әлеге диагноз 12 кешегә куелган. Аның белән балалар да авырды һәм аларның берсенә дә кызамыкка каршы прививка ясалмаган. Күп очракта вакцина ясатудан ата-аналар баш тарта.

2-3
Кызамык чире нәрсәсе белән куркыныч соң? Сәла­мәтлек саклау министрлы­гының баш инфекционисты Халит Хәй­ретдинов әйтүен­чә, кызамыкның бил­геләре баштарак кызылча (скарлатина), су чәчәге (ветрянка) авыруларыныкына охшаш: температура күтәрелә, ютәл­ләтә, борынга томау төшә, күздә конъюнктивит барлыкка килә. Озакламый табибларга диагнозны ачык­лау өчен мөһим бил­геләр пәйда була: тәнне кызгылт тимгелләр баса. Ул тирән тын юллары вируслы инфекциясе чирләреннән шу­ның белән аерыла. 
Халит Хәйретдинов ки­сәтүенчә, кызамык кичер­гәннән соң, иммунитет какшаганлыктан, кешегә башка йогышлы чирләр тиз элә­гә. Кызамык йогышлы бу­луы һәм тиз таралуы бе­лән дә аерылып тора. Ул китереп чыгарган өзлегүләр аркасында үпкә ялкынсынырга, баш мие менингоэнцефалиты баш­ланырга һәм конъюнк­тивит кичергән кеше сукыраерга, хәтта үләргә мөмкин.


Сәламәтлек саклау ми­нистрлыгының баш эпидемиологы Наталья Ивойлова исә, прививкага каршы чыккан ата-аналарның нигезсез шикләнүләрен таратырга теләп: “Баласына кызамыкка каршы вакцина ясатудан баш тартучылар аның нинди чир икәнен һәм киләчәктә өзлегүләр китереп чыгарырга сәләтле булуын аңлап бетерми”, – дип кисәтә. Аны балага 1 яшь тулгач ясыйлар. 5 елдан ревакцинация үткәрелә, ягъни вакцинаны кабатлыйлар. Прививкага каршы чыгучылар исә интернетта аңа каршы язганнар, шуңа күрә ясатудан курыктым, ди. Бу очракта белгеч белән ки­ңә­шү яхшырак түгелме икән?! Балаң авырып китсә, интернетта утыручылардан яр­дәм көтү урынсыз, белгеч­ләргә барырга һәм чарасын үзеңә күрергә туры киләчәк. 1 апрельдән илдә моңа ка­дәр кызамык чиреннән вакцина ясатмаган балаларга аны мәҗбүри ясамакчылар. Бу Россиянең баш санитария табибы Анна Попова­ның “Чистарту им­му­низа­ция­се” турындагы боерыгы буенча башкарыла.

(“Ватаным Татарстан”,   /№ 35, 12.03.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!