ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 69, 19.05.2018/

//

Стадионда – концерт, сайлауда ярминкә булачак

 

Бу атна якшәмбесендә Россия Президентын сайлыйбыз. Башкалада сайлау участокларына килү­челәрне ярминкәләр бе­лән дә сөендермәк­че­ләр. Ә кич “Казан-Арена”­да Салават һәм ...Валерий Меладзе кыздырачак. 18 мартта башкаладагы 450 сайлау участогының һәркайсы янәшәсендә яр­минкәләр эшләячәк. Бу хакта “эшлекле дүшәмбе”дә Казан башкарма комитеты аппараты җитәкчесе Евгений Варакин әйткән.

1-2

tatar-inform.ru

 

Урамда – сәүдә эшен җәелдерсәләр, бинада исә буфет гамәлдә булачак. Халыкка арзан бәя­дән азык-төлек һәм көн­күреш химиясе товарлары тәкъдим ителәчәк, ди. Евгений Варакин шәһәрнең ерак районнарында яшәү­че­ләрне дә сөендергән. Сай­лаучыларны бушлай автобуслар йөртәчәк. Моның өчен 56 транспорт бүлеп биргәннәр. Республика район­нарында да сайлау бәйрәмгә әйләнәчәк, дип вәгъдә иткәннәр.

 
Гадәттәгечә, тавыш би­рүчеләргә махсус беләзек тә таратачаклар. Ул сайлау көнне җәмәгать транспорында бушлай йөрү хокукын бирә. Беләзек ярдәмен­дә концерт-тамашага да кереп булачак. “Казанда тавыш бирүчеләргә бәйрәм оештыру традициягә әй­ләнде. Концерт “Казан-Арена”­да кичке сәгать биш­тә башланачак”, – дигән Евгений Варакин. Тамашада республиканың иң яхшы рок-төркемнәре чыгыш ясаячак дип көтелә. Биш сәгать дәвам итәчәк концертта Элвин Грей, Егор Крид, Салават һәм Валерий Меладзе да катнашачак. Сүз уңаеннан, сайлауда катнашучылар телефон, планшет, велосипед кебек кыйм­мәтле бүләкләр дә ота ала. Ил күләмендә оештырылган “Айданавыборы!” фотомарафонында Татарстанда яшәүчеләр дә бик теләп катнаша. Моның өчен тавыш бирүчеләргә махсус баннерлар һәм арт-объект­лар янында фотога төшеп, әлеге фотосурәтне бәйге хештегы белән социаль чел­тәрдә урнаштырырга гына кирәк.

 

Кичә Бөтен­россия җәмәгатьчелек фикерен өйрәнү үзәге сайлаулар турында сораштыру нәтиҗәләрен дә хәбәр итте. Шул рәвешле, Татарстандагы сайлаучыларның ким дигәндә 81 проценты В.В.Путин өчен тавыш би­рәчәк дип фаразлана.

(“Ватаным Татарстан”,   /№ 34, 13.03.2018/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!