ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 69, 19.05.2018/

//

Мәрмәрис белән тугандашлык

 

Кичә Татарстан Президенты Рөстәм Миңнеханов Хөкүмәт йортында Төркиянең Мәрмәрис шәһәре мэры Али Аҗар белән очрашты.

 

Алдагы көнне Түбән Кама шәһәре мэры Айдар Метшин белән Мәрмәрис мэры Али Аҗар­ның тугандашлык элемтәлә­рен үстерү буенча ике яклы планга кул куюларын искәртик. Яклар шәһәрләр арасында турыдарн-туры самолет рейсларын оештыру, мәктәп укучылары белән алышу, мәдәни элемтәләрне үстерү кебек юнәлешләр буенча уртак эшне җайга салырга ниятли.

 
Р.Миңнеханов әңгәмә барышында әлеге документны имзалу­ның Россия-Төркия мөнәсәбәт­ләре кысаларында Татарстан бе­лән Төркия арасындагы үзара файдалы хезмәттәшлекне алга таба ныгытуга таба чираттагы адым булып торуын билгеләп үтте.

 

Завод проекты расланды

 

“Алабуга” махсус икътисадый зонасының Күзәтчелек советы кичә ТР Президенты Рөстәм Миңнеханов рәислегендә табаклы калай җитештерү буенча завод төзелеш проектын раслады. Проектка җәлеп ителәчәк инвес­тицияләр күләме 250 миллион доллар тәшкил итә.

 

Президент Күзәтч­елек советы утырышын ачып, бүген “Алабугада” 56 резидетның теркәлүен, инде 23 производст­воның эшләвен, аларда 6 меңнән артыграк кешенең хезмәт куюын искәртте. Узган ел йомгаклары буенча резидент-компанияләр кереме 76 миллиард сум тәшкил иткән. “Моны мин бик зур эш нәтиҗәсе бу дип уйлыйм”, – дип белдерде Рөстәм Миңнеханов.  

 
“Алабуга” резиденты статусын алып, табаклы калай җитеш­терү заводын төзергә ниятләүче җәмгыять – “Гемонт Металл” ҖЧЧ. Әлеге заводны 2020 елның өченче кварталында файдалануга тапшыру күздә тотыла. Әзер продукция электр көнкүреш техникасын җитештерү, автомо­биль­ләр төзү, түбә калайлары, тор­баүткәргечләр җитештерү кебек өлкәләрдә кулланылачак.
Күзәтчелек советы әгъзалары “Алабуга” махсус икътисадый зонасының яңа резидентын бер тавшытан раслады.

 

Үзәктән миллиардлар көтәбез

 

Быел Татарстан Республикасы  62,9 миллиард сум күләмендә федераль средстволар алуга заявкалар тапшырган .Бу хакта кичә Дәүләт Советы Рәисе Фәрит Мөхәммәтшин Казан мәгълүмати технологияләр һәм элемтә үзә­ген­дә Татарстаннан сайланган Россия Федерация Советы әгъ­залары һәм Дәүләт Думасы депутатлары  белән үткәрелгән киңәш­мәдә белдерде. Бүгенгә әлеге суммадан 61,9 миллиард сум расланган инде, дип билгеләп үтте Дәүләт Советы Рәисе.

 
Квартал саен уздырылып килә торганк иәңшмәдә парламентчылар һәм министрлыклар вәкиллә­ре республика икътисадына федераль бюджет акчасын җәлеп итү һәм Татарстанның федераль максатчан программаларда катнашуы буенча фикер алышты. Республика парламеты җитәкчесе­нең РФ Федераль Җыенында Татарстаннан сайланган депутатлар белән очрашуларның инде традициягә әйләнүен әйтеп үтик. 17 эш төркеме булдырылган, алар­ның һәркайсына теге яки бу депутат җитәкчелек итә, ә инде эш төркемнәре эшчәнлегенә гомуми җитәкчелек итү Фәрит Мө­хәммәтшинга йөкләнгән.

 

Президент көлчә ясады

 

Кичә Татарстан Президенты Рөстәм Миңнеханов Казанда А.Горький һәм Ф.Шаляпин  музеенда булды. Президент “Трактир у Горького” мәдәният учреждение­сендә урнашкан музейда, камырдан кошчык әвәләп, күмәч пеше­рү буенча мастер-класста катнашты.

 
Татарстан Президенты бире­дә язучы һәм опера җырчысының тормышы, иҗатына бәйле экс­позицияләр белән танышты. Мон­нан тыш Рөстәм Миңнеханов мемориаль пекарняда булды.

 
Моннан ике ел элек яңа экспозиция булдырдык. Ул чагында безнең музей “Горький исемен­дәге әдәби-мемориаль музей” дип атала иде. Әмма 50 ел чамасы ул Горький һәм Шаляпин музее булды. Менә хәзер дә аның Горький һәм Шаляпин музеена әйлә­нүе бик әйбәт: мондый исем яхшырак истә кала”, – дип сөйләп үтте музей директоры Марианна Гаврилова.

(“Ватаным Татарстан”,   /№ 34, 13.03.2018/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!