ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 43, 28.03.2017/

//

Гаеп – атта да, тәртәдә дә

 

Узган ел Россиядә машина йөртү таныклыгына имтиханны беренче тапкырдан ук тапшырып чыгуылар саны кискен кимегән. ЮХИДИ ида­рәсендә моның төп сәбәбен автомәктәп­ләрдә белем бирү дәрәҗәсенең түбән булуында күрәләр.

1-2

Булачак машина йөртү­челәрне укытучылар исә гаеп таныклык алганда тапшырылган имтиханга кер­телгән яңа төзәтмәләрнең җитешсез яклары күп булуда, дип саный. Автомәктәп җитәкчелә­ренең россия­күләм фәнни-гамәли конференциясе кысасында да сүз шул хакта барган. Саннарга күз салсак, 2013 – 2015 еллар аралыгында Россиядә машина йөртү таныклыгына имти­хан­ның теория өлешен – укучыларның яртысыннан артыгы (52-53 процент), мәйданчыктагы күнегүлә­р­не – 65-72 проценты, шәһәр буйлап машина йөртеп карау өлешен 66-70 проценты беренче тапкырдан ук башкарып чыккан булган. Узган ел исә теорияне –укучылар­ның 36 проценты, мәй­данчыктагы күнегүләрне – 56 проценты, шәһәр буйлап машина йөртеп карауны 48 проценты гына тапшыра алган. Шул ук вакытта илдә яшь машина йөртүчеләр гаебе белән килеп чыккан юл һә­лакәтләре саны кимү күзә­телә. Әйтик, быелның гыйвар аенда “тимер ат” белән идарә итү тәҗрибәсе ике елдан азрак булган машина йөртү­челәр аркасында килеп чыккан юл һә­лакәтләре саны, узган ел­ның шул ук чоры белән чагыштырганда, 34 процентка кимегән.

 
“Бу күрсәткечнең яхшыруында автомәктәпләрнең өлеше зур. Аларның күбесе укыту программаларын яңа­дан төзеде, машина йөр­тү­челәрне әзерләү сә­гать­ләрен арттырды. Араларында өс­тәмә җиһазлар алу өчен шактый гына акча сарыф итү­челәр дә бар. Безнең оешма уздырган сораштыру нәти­җә­лә­реннән күренгәнчә, уз­ган ел илдәге автомәктәпләр­нең 22 проценты өстәмә җиһазлар сатып алу өчен уртача 500 мең сум акча тоткан”, – ди Автомәктәпләр төбәкара ассоциациясе башлыгы Татьяна Шутылева.

(“Ватаным Татарстан”,   /№ 39, 21.03.2017/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!

Видеохәбәр

5-1