ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 120, 16.08.2017/

//

Сидякин барысын да уздырган

 

Белгечләр Дәүләт Думасындагы иң файдалы депутатларны ачыклаган. Политологлар Алексей Мартынов белән Дмитрий Гусев халык ышанычлыларына бәя биргәндә аларның парламенттагы һәм төбәкләрдәге эшчәнлегенә, җәмәгатьчелек фикеренә, матбугаттагы чыгышларына игътибар иткән. Татарстаннан сайланган депутатлар арасыннан иң зур бәяне Александр Сидякин алган. Ә калганнары ничек эшли?

2-10

Әлеге рейтингка Дәүләт Думасы Рәисе һәм дүрт фракциянең җитәкчеләре кермәгән. Ә менә калган депутатлар арасында беренче урынны “Бердәм Россия”дән Ирина Яровая алган. Шул ук партиядән Сергей Неверов – икенче, Павел Крашенинников исә өченче булган. Башкарган һәм күренгән хезмәтләренә карап халык ышанычлаларын өч төркемгә бүлгәннәр: иң тырышлар, нормаль эшләүчеләр һәм бик үк актив булмаганнар. Татарстаннан сайланган депутатлар арасыннан иң зур бәяне Александр Сидякин алган. Дөрес, ул үзе моңа артык игътибар бирми. “Минем өчен иң мөһиме – сайлаучыларның бәясе, – дигән ул “Реальное время” басмасына. – Ә экспертлар фикеренә бөтенләй игътибар итмим. Татарстан Президентының минем эшчәнлегемә мөнәсәбәте мөһим. Без бит барыбыз да аның командасы. Халык ничек бәяли? Барыбыз да Татарстан өчен, уңай үзгәрешләр булсын дип тырышабыз”. 

 

Белгечләр депутатларның эшчәнлегенә бәя биргәндә дүрт юнәлешкә игътибар иткән. Парламентта иң тырышып хезмәт куйган 50 кеше арасына безнекеләрдән Александр Сидякин белән Айрат Фәррахов кергән. Сидякин халыктан иң күп тавыш җыйган һәм матбугатта иң еш чыгыш ясаган депутатлар исемлегендә дә бар. Төбәкләр белән иң күп эшләгән 50 кеше арасында исә Айрат Хәйруллин телгә алына. 

 

1-1

(“Ватаным Татарстан”,   /№ 39, 21.03.2017/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!

Фотохәбәр