ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 69, 19.05.2018/

//

Дәүләт Советы депутатлары Казанның Ленин бакчасындагы фонтан янында “Кемерово, без синең белән” дигән сүз­ләр язылган баннер янына Кемерово шәһәрендәге янгында һәлак булганнар истәле­генә чәчәкләр салды.

 

Матәм урынына шәһәрдә яшәүчеләр көнозын чәчәкләр һәм уенчыклар ташыды. Һәлак булган­нарның истәле­ген Дәүләт Советы Рәисе урынбасарлары Юрий Камалтынов һәм Татьяна Ларионова яд итте. Шулай ук парламент комитетлары рәисләре Шакир Яһудин, Таһир Һадиев, Марат Галиев, комитетлар рәисләре урынбасарлары Татьяна Воропаева, Камил Садриев һ.б. чәчәкләр салды.
***
“Татспиртпром” үз брендлары белән хәмер продукциясен сатуны арттырырга – 9,2 миллион декалитрдан 10 миллион декалитрга җиткерергә ниятли. Бу хакта кичә “Татспиртпром” ААҖ Директорлар советы утырышында белдерелде.

 

Утырышны Хөкүмәт йортында ТР Президенты вазыйфаларын башкаручы Алексей Песошин үткәрде.  Утырышта, аерым алганда, “Татспиртпром”ның Япония базарында тоткан өлешен арттырырга җыенуы искәртелде. Моннан тыш компаниянең АКШ һәм Кытайда хәмер сату күләмен үстерүне планлаштыруы да мәгълүм булды.
***
“Казан ярминкәсе” күргәз­мә үзә­ге территориясендә ав­томо­биль­ләр төзү буенча “TIAF supported by Automechanika” дүр­­тенче халыкара форумы ачылды. Форумны ачуда ТР Премьер-ми­нистрының беренче урынбасары Рөстәм Нигъ­мәтуллин катнашты.

 
“Татарстанның форумны үткәрү урыны итеп сайлануы республика­ның зур мөмкинлекләргә ия булуы турында сөйли, – диде Р.Нигъ­мә­туллин. – Республикада яңа автомобиль производстволары эшли башлады, тулы бер автомобиль кластеры булдырылды”. Автомобильләр төзү буенча TIAF дүртенче халыкара форумы­ның Татарстан Республикасы һәм Идел буе төбәгендә автокомпонентлар индустриясе өчен иң зур чараларның берсе булып торуын искә тө­шерик. Күргәзмәдә, Рос­сиядән тыш, Төркия һәм Кытайдан 100дән артык җитештерүче компания катнаша.
***
Дәүләт Советының Кече залында парламент тыңлаулары булып узды. Анда эшмәкәрләр катнашында Татарстанда кече һәм урта бизнесны үстерү мәсьә­лә­ләре буенча фикер алыштылар. Парламент тыңлаулары, Законнарга һәм аларны тормышта куллануга мониторинг комиссиясе белән берлектә, Икътисад, инвести­ция­ләр һәм эшмәкәрлек комитеты тарафыннан оештырылды.

 
Чарада республика икътисад министрының беренче урынбасары Рөстәм Сибгатуллин кече һәм урта эшмәкәрлекне үстерү турында чыгыш ясады. Аның әйтүенчә, эш­мә­кәрләр бизнесны финанслау проб­­лемасын иң кискен проблема буларак атый. Республика эшмә­кәр­лә­ренә финанс ярдәме мик­розайм­нар, ташламалы кредит, лизинг, субсидияләр бирү рәвешендә хәл ителә. Узган елда Татарстан эшм­ә­кәр­ләренә 711 миллион сумнан артыграк 462 микрозайм би­релгән. Әмма бу гына аз.

(“Ватаным Татарстан”,   /№ 44, 30.03.2018/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!