ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 69, 19.05.2018/

//

Бабич Бакырчыда булды

 

Үткән ял көнендә Россия Федерациясе Президентының Идел буе федераль округындагы Вәка­ләтле вәкиле Михаил Бабич Татарстанга эшлекле визит ясады.

 
М.Бабич республикабызга сә­фәре кысаларында Тәтеш районы Бакырчы авылында “Якташларыбыз – Ватанны саклаучылар һәм тыл хезмәтчәннәренә мәңгелек дан!” дигән мемориал комплекс­ны төзекләндерелгәннән соң ачу тантанасында катнашты. Чара барышында ТР Президенты Бакырчы авыл җирлегендә яшәүче Бөек Ватан сугышы ветераны Мөбарәк­җан Таһировка “Фидакарь хезмәт өчен” Татарстан Республикасы медален тапшырды.

 
Август азагына кадәр чама белән 2,5 мең ветеранның “Фидакарь хезмәт өчен” ТР медале бе­лән бүләкләнәсен искә  төше­рик. Алар арасында – Бөек Ватан сугышы инвалидлары һәм сугышта кат­нашучылар, “Камалыштагы Ленинградта яшәүчегә” күкрәккә тагу билгесе белән бүләкләнгән  гражданнар, элеккеге концлагерьлар тоткыннары һ.б.

 
М.Бабич үзенең чыгышында Бакырчы авылында мемориаль комплексны нәсел-нәсәбе шушы авылга бәйле булган РФ Иминлек советы Секретаре ярдәмчесе Наил Мөхитов ярдәме белән тө­зек­ләндерүгә ирешелүен ис­кәртте. 

 

Шигырь укыдык. Төрле телләрдә

 

Кичә, Җиңү көне алдыннан, Казанның Горький исемендәге паркында Мәңгелек утка һәм Билгесез солдат монументына чәчәкләр кую булды.
Татарстан халыклары ассамблеясының яшьләр канаты тәкъдиме белән оештырылган бәйрәм чарасында Дәүләт Советы Рәисе, ТР халыклары ассамблеясы Со­веты Рәисе Фәрит Мө­хәм­мәтшин катнашты.

 
Чәчәк салу тантаналы төстә узды. Шуннан соң ак­циядә катнашучылар төр­ле телләрдә Бөек Ватан сугышы турында шигырьләр укыды. Ф.Мөхәммәтшин чарага җыелган халыкны республика, Дәүләт Советы, Министр­лар Кабинеты  җитәкчелеге исеменнән якынлашып ки­лүче Җиңү көне белән котлады. Ул ветераннар һәм тыл хезмәтчәннәренең генә тү­гел, бәлки әле яшь буынның да сугыш турында истәлекне кадерләп саклавы һәм гомуми Җиңүгә зур югалтулар бәрабәренә ирешелгәнне аңлавын билгеләп үтте. Парламент башлыгы әйтүенчә, Бөек Ватан сугышы гадел­лекнең тантана итүе һәм илнең мөстәкыйльлеген сак­лап калу хакына көрәштән гыйбарәт булды.
“Бүген без үз гражданнарыбыз гына түгел, бәлки әле немец фашизмына каршы көрәшкән башка илләр ке­шеләре алдында да түбән­челек белән баш иябез”, – дип басым ясап әйтте ул.

 
Фәрит Мөхәммәтшин билгеләп үткәнчә, Татарстан Бөек Җиңүгә үзеннән гаять зур өлеш керткән. “Республикада яшәүчеләрнең дүрт­тән бер өлеше диярлек фронтка җибәрелгән. Калганы – өл­кән­нәр, хатын-кыз­лар, яшь­ләр тылда, кыр-фер­маларда, сәнәгать предприя­тиелә­рендә жиңү­не якынайту өчен үзләрен аямыйча эшләгән. Кызганычка, Татарстаннан 350 мең чамасы кеше яу кырларында мәңгегә ятып калган”, – дип билгеләп үтте ул.

 

 

(“Ватаным Татарстан”,   /№ 63, 08.05.2018/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!