ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

КФУда Милли мәдәният һәм мәгариф югары мәктәбе эшли башлаячак

КФУның Филология һәм мәдәниятара багланышлар институтының Габдулла Тукай исемендәге Татаристика һәм тюркология югары мәктәбе Милли мәдәният һәм мәгариф югары мәктәбе дип үзгәртелә. Бу хакта бүген "Татар-информ" мәгълүмат агентлыгында билгеле булды.

Лев Толстой исемендәге Филология һәм мәдәниятара багланышлар институты директоры Рәдиф Җамалетдинов, республика Хөкүмәте заказы белән, өстәмә рәвештә 125 бала кабул ителгәнен әйтте. "75 бала көндезге бүлеккә, 50 бала читтән торып уку бүлегенә керде. Көндезге бүлеккә математика һәм информатика, тарих һәм җәмгыять белеме, музыка һәм өстәмә белем бирү дигән белгечлекләргә кабул итү оештырдык. Читтән торып уку бүлегенә баллар бакчалары һәм башлангыч сыйныф укытучылары дигән белгечлеккә кабул ителде. Әлеге юнәлештә кабул итү беренче тапкыр оештырылды. Балалар киләчәктә уку йортын тәмамлап, ике телдә дәүләт телләрен укыта алырлык, ягъни билингваль укытучылар булачак. Шушы уңайдан, җәй көне университет җитәкчелеге карары белән, Г.Тукай исемендәге Татаристика һәм милли мәдәният һәм милли мәгариф мәктәбе үзгәртелде. 1 ноябрьдән безнең структурада яңа югары мәктәп барлыкка килә", - диде.


Бу язманы шәхси сәхифәгезгә дә урнаштырыгыз:

Архив

Котлыйбыз!

Фотохәбәр

Видеохәбәр