ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Татарстан Президенты Вьетнам делегациясе белән очрашты

 

Бүген Татарстан Республикасы Президенты Рөстәм Миңнеханов Кьензянг провинциясенең Халык комитеты рәисе Фам Ву Хонг җитәкчелегендәге Вьетнам Социалистик Республикасы делегациясе белән очрашты, дип хәбәр итә республика башлыгының матбугат хезмәте.


"Татарстан Республикасы Россия-Вьетнам мөнәсәбәтләре кысаларында Вьетнам белән багланышларга зур игътибар бирә. Безнең илләр - вакыт белән тикшерелгән дуслар һәм күп тармаклар буенча стратегик партнерлар", - диде Рөстәм Миңнеханов. Ул искәрткәнчә, 2019 ел ике илдә Россия һәм Вьетнам еллары дип игълан ителде. 


Татарстан Президенты билгеләгәнчә, Россия-Вьетнам мөнәсәбәтләрен ныгытуда төбәкләр дәрәҗәсендә хезмәттәшлек зур роль уйный: "Безнең республика әлеге процессларда катнашырга әзер". 

Рөстәм Миңнеханов сүзләренчә, Татарстан предприятиеләре Вьетнамда билгеле. Аерым алганда, "КАМАЗ" автомобильләре, Казан вертолетлар заводы продукциясе, Зеленодольск суднолар заводы фрегатлары. "Корабльләргә тагын заказлар барлыгын беләнбез", - диде ТР Президенты.


Рөстәм Миңнеханов Кьензянг провинциясе белән сәүдә-икътисадый һәм гуманитар элемтәләрне үстерергә әзер булуны ассызыклады. ИТ, медицина, мәгариф, авыл хуҗалыгы, туризм өлкәләрендә хезмәттәшлек итеп була. 

Фам Ву Хонг Рөстәм Миңнехановка кунакчыллык өчен һәм Татарстанга визитны оештыруда ярдәм өчен рәхмәт белдерде. 


Шулай ук ул Керчьтагы фаҗига сәбәпле кайгыны уртаклашты. 

Очрашу ТР Хөкүмәте Йортында узды, анда ТР Премьер-министры урынбасары - сәнәгать һәм сәүдә министры Альберт Кәримов, ТР Инвестицион үсеш агентлыгы җитәкчесе Талия Миңнуллина, Туризм буенча ТР дәүләт комитеты рәисе Сергей Иванов, ТР Сәүдә-сәнәгать палатасы идарәсе рәисе Шамил Агеев һәм башкалар катнашты.


Бу язманы шәхси сәхифәгезгә дә урнаштырыгыз:

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!