ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Фәрит Мөхәммәтшин дәүләт бүләкләре тапшырды

 

Бүген Татарстаның Дәүләт Советы Рәисе Фәрит Мөхәммәтшин Казан Кремлендә хезмәт алдынгыларына дәүләт бүләкләре тапшырды. Парламент башлыгы 49 татарстанлы арасында төрле тармак белгечләре - производство, сәнәгать, мәдәният һәм башка өлкә әһелләре, депутатлар, Федерация Советы әгъзалары булуын билгеләп узды, дип хәбәр итә республика башлыгының матбугат хезмәте.


II дәрәҗә "Ватан каршындагы казанышлар өчен" орден медале нефть химиясе сәнәгате ветераннарына, "Түбән Кама нефтехим" хезмәткәрләренә тапшырылды. Г. Тукай исемендәге Татар дәүләт филармониясе коллективы Россия Федерациясе Президенты Рәхмәтенә лаек булды. Шундый ук бүләк Казан дәүләт аграр университеты профессоры Камил Хафизовка тапшырылды. 23 кешегә төрле өлкәләрдә атказанган хезмәткәр мактаулы исемнәре бирелде. 17 кеше Татарстанның "Фидакарь хезмәт өчен" медале белән бүләкләнде.


"Татарстан каршындагы казанышлар өчен" орден медаленә лаек булган өч кеше арасында Татарстаннан РФ Федераль Җыены Федерация Советы әгъзасы Олег Морозов бар. "24 ел эчендә Мәскәүдә эшләп, Татарстан турында гел "якташларым эше белән горурланам", дип әйтә ала идем. Беркемнең монда шиге юк иде", - диде дәүләт эшлеклесе. Ул республикадан ярдәм тоеп эшләве җиңел булганын әйтте.


"Татарстанның атказанган укытучысы" мактаулы исеменә лаек булган Казанның Киров районы 4нче гимназия-интернатының татар теле һәм әдәбияты укытучысы Рәмзия Садыйкова тырыш белгечләрне республика җитәкчелеге лаеклы бәяләвен белдерде. "Яшь буынны көчле рухлы, Ватаныбызга хезмәт итә торган, җәмгыятьне кулда тотардай шәхесләр итеп тәрбияләргә тырышачакбыз", - диде.


Фәрит Мөхәммәтшин хезмәт алдынгыларын котлап, Татарстанның 2030 елга кадәр социаль-икътисади үсеш стратегиясе тормышка ашырылуы һәм төрле өлкәләрдә ирешелгән казанышлар турында сөйләде. 2020 елда ТАССРның 100 еллыгын бәйрәм итүгә әзерлек баруын, Татарстанның яңа Россия составында күп кенә идеяләрне үткәрүче булганын әйтте.


Бу язманы шәхси сәхифәгезгә дә урнаштырыгыз:

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!