ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Россия ислам институты 20 еллыгын каршылый

Бу көннәрдә Казанда Россия ислам институтының 20 еллыгына багышланган чаралар уздырыла. Әйтик, юбилей уңаеннан, 6 декабрьдә Татарстан башкаласында Ислам мәгарифе советында катнашучылар – илнең әйдәп баручы мөселман вузлары җитәкчеләре җыелачак. Утырышны советның рәисе – ТР мөфтие урынбасары, РИИ һәм БИА ректоры Рәфыйк хәзрәт Мөхәммәтшин алып барачак, дип хәбәр итә Диния Нәзарәтенең матбугат хезмәте.

Шулай ук 6-7 декабрь көннәрендә РИИда Ислам фәннәре һәм гарәп теле буенча XI Бөтенроссия олимпиадасы оештырыла. Анда Татарстан, Башкорстан, Дагыстан, Чечня, Ингушетия, Кабардин-Балкар, Мордовия, Карачай-Черкес Республикалары, Мәскәү, Түбән Новгород өлкәләре, Россиянең башка төбәкләре мөселман белем бирү оешмалары студентлары катнашачак. Алар «Ислам хокукы», «Ислам дисциплиналары» һәм «Гарәп теле» номинацияләрендә көч сынышачак. Катнашучылар язма һәм телдән тест биремнәрен үтәргә, гарәп теле буенча сөйләм күнекмәләрен, шулай ук Коръәнне дөрес һәм аһәңле итеп укый белү сәләтләрен күрсәтергә тиеш була.  Олимпиадага йомгак ясау, призерларны һәм җиңүчеләрне бүләкләү тантанасы 7 декабрьгә билгеләнгән.

6 декабрьдә РИИның актлар залында студентларның X Мөселман халыклары мәдәнияте һәм һәвәскәр кино фестивале башлана. Аны РИИның Филология һәм чит илләрне өйрәнү кафедрасы оештыра.

Моннан тыш, Болгар ислам академиясендә узучы мөселман мәгариф оешмалары мөгаллимнәренең VI Халыкара форумы да РИИның 20 еллыгына багышлана. Форумга мәчет каршындагы курсларда белем бирүче ике йөзгә якын мөгаллим җыелып, мөселман мәгарифенең башлангыч сегменты турында фикер алышачак. Лекторлар сыйфатында мөселман уку йортлары җитәкчеләре һәм мөгаллимнәре, имамнар чыгыш ясар дип көтелә.


Бу язманы шәхси сәхифәгезгә дә урнаштырыгыз:

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!