ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

"Ак барс" Ригада "Динамо"ны отты

 

Бүген Ригада узган очрашуда Казанның "Ак барс" командасы җирле "Динамо"га каршы уйнады һәм 3:1 исәбе белән җиңүгә иреште.

 

Зиннәтулла Билалетдинов уенчылары исәпне матчның бишенче минутында ук уңышка иреште. Беренче алканы Альберт Яруллин ярдәме белән Владимир Ткачев кертте. Икенче периодта хуҗалар Казан командасының элеккеге уенчысы Лаурис Дарзиньш ярдәме белән исәпне тигезли алды. Әмма период тәмамланырга минут ярым вакыт калып барганда "Ак барс" һөҗүмчесе Иржи Секач кунакларны янә алга чыгарды. Матчның өченче өлеше башлангач Секач янә бер мәртәбә уңышка иреште. Сүз уңаеннан, ике очракта да чех һөҗүмчесенә пасны Данис Зарипов бирде. Шул рәвешле, быел Секач керткән алкалар саны 16га җитте. Моннан тыш, ул 15 мәртәбә иптәшләренә нәтиҗәле пас та бирде.

 

Киләсе уенны "Ак барс" Россия җыелма командасының Евройхоккейтурда чыгыш ясавы уңаеннан КХЛда бер атна дәвам итәчәк тәнәфестән соң 17 декабрь көнне үз бозында "Автомобилист"ка каршы уздырачак.

 


Бу язманы шәхси сәхифәгезгә дә урнаштырыгыз:

Архив

Котлыйбыз!