ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Республикада яшүсмерләр арасында җинаятьчелек күп булган районнарны атадылар

ТР Дәүләт Советында Социаль сәясәт комитеты утырышында яшүсмерләр җинаятьчелеге күрсәткечләре югары һәм түбән районнарны атадылар, дип хәбәр итә "Татар-информ".

ТР Эчке эшләр министрлыгының полиция участок вәкилләре эшен һәм балигъ булмаганнар эшләре буенча бүлекчәләр эшен оештыру идарәсе башлыгы урынбасары Лариса Осипова әйтүенчә, республикада яшүсмерләр җинаятьчелеге тулаем алганда кимесә дә, кайбер районнарда проблемалар әле бар.

"Казанның Идел буе районы, Чаллы, Әлмәт, Азнакай, Алабуга, Биектау, Түбән Кама, Нурлат районнарында төнге вакытта эшләнгән җинаятьләр арткан. Балалар автомобильдән әйбер урлый, машина куып китә, төрле җәмәгать урыннарында әйбер талыйлар", - ди Лариса Осипова.

Шул ук вакытта, Мамадыш, Спас һәм Тәтеш районнарында, Яр Чаллыда, Казанның Авиатөзелеш, Яңа Савин районнарында яшүсмерләр җинаятьчелеге кимүе күзәтелә. ТР да яшүсмерләр кылган җинаятьләр 10,7 процентка кимегән. 736 дан 657 очракка калган. Төнлә кылган җинаятьләр 133 дән 117 гә кадәр кимегән.

Лариса Осипова балигъ булмаган балалар булуы тыелган яки чикләнгән җәмәгать урыннарына рейдларда быел законны бозган 3481 бала ачыкланганын әйтте. 3309 үсмер төнлә җәмәгать урыннарында, 26 сы күңел ачу һәм ял учреждениеләрендә, 67 се торак йортларның гомуми кулланыш урыннарында тоткарланган.

Ата-аналарга һәм вазифаи затларга полиция хезмәткәрләре 3595 административ документ төзегән. 1225 кешегә штраф салынган.


Бу язманы шәхси сәхифәгезгә дә урнаштырыгыз:

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!