ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Татарстанда “Суворовец” һәм “Алтын Барс” боз сарайлары ачылды

Бүген Татарстанда берьюлы “Суворовец” һәм “Алтын Барс” боз аренасы ачылды. Казан Суворов хәрби училищесы мәйданында “Суворовец” боз сарае, ә Чүпрәле районында -“Алтын Барс” боз аренасы эшли башлады, дип хәбәр итә "Татар-информ".

“Бүген бездә истәлекле вакыйга: Казанда һәм Иске Чүпрәле авылында боз сарайлары ачылды. Республикада физик культура һәм спортка, шулай ук хоккейга зур игътибар бирелә”, - диде Татарстан Премьер-министры Алексей Песошин. Ул Суворов училищесына спорт кирәк-яраклары алу өчен 100 мең сумлык сертификат тапшырды.

 

Россия оборона министры Сергей Шойгу истәлекле вакыйга белән видеоконференцэлемтә режимында тәбрикләде. «Бүген сез көчле, кыю, өлгер булып үссен өчен өч искиткеч шугалак ачабыз. Бу эшкә берничә ел элек башлангыч салынган иде. Күпчелек уку йортларында яхшы заманча спорт корылмалары – бассейннар, спорт заллары һәм шугалаклар бар», – диде ул.

Бу хакта тулырак: https://tatar-inform.tatar/news/2018/12/15/177128/

Бу вакыйга белән видеоконференцэлемтә аша Россия оборона министры Сергей Шойгу да тәбрикләде. «Бүген сез көчле, кыю, өлгер булып үссен өчен өч искиткеч шугалак ачабыз. Бу эшкә берничә ел элек башлангыч салынган иде. Күпчелек уку йортларында яхшы заманча спорт корылмалары – бассейннар, спорт заллары һәм шугалаклар бар», – диде ул.

 

Хәзер республикада 43 ябык түбәле боз сарае, 655 ачык хоккей тартмасы бар, аларның күбесендә җылы киенү-чишенү урыннары булдырылган. Татарстанда 31 мең кеше хоккей белән шөгыльләнә. “Болар барысы да безнең “Ак Барс” хоккей командасының уңышлары аркасында”, - диде Татарсан Хөкүмәте җитәкчесе.

Чүпрәле районы башлыгы Марат Гафаров видеоэлемтә режимында муниципалитетта яшәүчеләр исеменнән республика җитәкчелегенә Яңа ел бүләге – яңа боз аренасы өчен рәхмәт әйтте.

Татарстан вице-премьеры Ләйлә Фазлыева “Алтын Барс” боз аренасына спорт җиһазлары өчен сертификат тапшырды һәм бүген ачылган боз сарайларында иң матур җиңүләр теләде.

Объектларның тантаналы ачылышы видеоконференцэлемтә рәвешендә узды.


Бу язманы шәхси сәхифәгезгә дә урнаштырыгыз:

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!