ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

2019 елда Татарстан театрларына өстәмә рәвештә 100 миллион сумнан артык акча биреләчәк

Театр елында театр сәнгате өлкәсендәге проектларны гамәлгә ашыру өчен Татарстан бюджетыннан өстәмә рәвештә 30 миллион сум акча бүлеп бирәчәкләр. Федераль бюджеттан тагын 75 миллион сум килер дип көтелә. Бу хакта "Татар-информ" агентлыгына Татарстан мәдәният министры Ирада Әюпова хәбәр итте.

"Мәдәният министрлыгы бюджетында Театр елы кысаларында проектларны гамәлгә ашыру өчен 30 миллион сум акча каралган", - диде Әюпова. Ул республика хакимиятенең федераль бюджеттан да акча җәлеп итәргә омтылуын искәртте.

"Россия Мәдәният министрлыгында чараларның гомуми федераль планы кысаларында Театр елы чараларын финанслау турында гариза карала. Моннан тыш, киләсе елдан "Мәдәният" илкүләм проекты да гамәлгә ашырыла башлый, аның буенча да гаризалар тапшырылган. Шулай ук "Кечкенә шәһәрләрнең театрлары" һәм "Театрлар – балаларга" федераль партия проектлары буенча ресурслар өстәлә. 2019 елда безнең театрлар әлеге проектлар кысаларында өстәмә рәвештә 75 миллион сумнан артык акча алыр дип көтелә", - диде министр.

Әюпова сүзләренчә, әлеге акчалар яңа спектакльләр кую һәм театр сәнгатен таныту формаларын булдыруга юнәлдереләчәк. "Безнең алда торган кискен проблемаларның берсе – театрлардагы тел сәясәте. Быел без Яңа ел тамашалары әзерләгәндә татар теленә басым ясадык. Яңа ел бәйрәмнәрендә рус телендә – 180нән артык, татар телендә 80гә якын спектакль күрсәтеләчәк. Узган ел татар телендә 60ка якын спектакль тәкъдим ителгән иде", - диде министр.

13 декабрьдә Г.Тукай исемендәге Әтнә дәүләт драма театрында Театр елын ачу тантанасы булды. Анда ТР Президенты Рөстәм Миңнеханов һәм республиканың 18 театрыннан вәкилләр катнашты.
 


Бу язманы шәхси сәхифәгезгә дә урнаштырыгыз:

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!