ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Башкортстан башлыгы «Без яхшырак булдырабыз!» шигарен тәкъдим итте

Башкортостан башлыгы вазифаларын башкаручы Радий Хәбиров үз эшенә нигез итеп Татарстан җитәкчелеге шигарен (девиз) алган. Ул «Без яхшырак булдырабыз!» дигән шигарен тәкъдим итте.

«Безнең күршеләребез һәм дусларыбыз дөрес әйтәләр: «Без булдырабыз». Ә мин биредәгеләр алдында – «Беҙ яҡшыраҡ булдырабыҙ!» дип әйтергә телим», диде ул Дәүләт Советы депутатлары һәм республикада яшәүчеләргә юлламасында. Бу хакта «Башинформ» мәгълүмат агентлыгына сылтама белән "Татар-информ" хәбәр итә.

Юллама тексты рус телендә булуга карамастан, шигарь сүзләре татар һәм башкорт телендә яңгырады.

«Кемгә дә булса тәрҗемә кирәк булса, ачыклап үтәм: без бүгенге көндә башкалардан яхшырак эшләргә тиешбез. Әгәр без яшәү дәрәҗәсе буенча безне узып киткән регионнарны куып тотарга телибез икән, безнең башка сайлау мөмкинлегебез юк. Шул чакта гына без илнең алдынгы позицияләренә әйләнеп кайта алабыз. Бу фраза безнең шигаребез була!» — дигән Радий Хабиров.

Республика башлыгы вазифаларын башкаручы үзенең юлламасын: «Алға, Башкирия! Вперед, Башкортстан!» дип тәмамлаган.
 

 


Бу язманы шәхси сәхифәгезгә дә урнаштырыгыз:

Архив

Котлыйбыз!