ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Казанда WorldSkills чемпионатына 70 илдән 14 меңләп волонтер гаризасы бирелгән

Бүгенге көндә WorldSkills Kazan-2019 оештыру комитетына ил чемпионатын оештыруда катнашу өчен 14 меңләп гариза кергән. Чемпионат 22 — 27 августта “Казань Экспо” халыкара күргәзмә үзәгендә узачак.

Бу хакта волонтерларның WorldSkills рекрутинг үзәгендә “Татар-информ” корреспондентына “Спорт һәм социаль проектлар дирекциясе”нең волонтерлар белән эшләү департаменты җитәкчесе Айрат Мөбарәкшин сөйләде.

“Хәзерге вакытта 70 илдән 14 меңләп волонтер гаризасы бирелгән. Рекрутинг март ае төгәлләнгәнче барачак. Нәтиҗәләр буенча барлык критерийларга туры килә торган волонтерлардан команда оештырылачак”, - диде Мөбарәкшин.

Ил чемпионатын уздыруда барлыгы 3500 волонтер җәлеп итү планлаштырыла. Аларның 400е Россиянең төрле төбәкләреннән килә, 100 ярдәмче чит илдән көтелә.


Бу язманы шәхси сәхифәгезгә дә урнаштырыгыз:

Архив

Котлыйбыз!