ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Питрәч районы башлыгы күп балалы гаиләгә сыер бүләк иткән

 

Питрәч районы башлыгы Илһам Кашапов күп балалы гаиләгә сыер бүләк иткән. Бу хакта районның "Алга" газетасы хәбәр итә.

 

Ирина Куприянова һәм Евгений Ярмолинский гаиләсендә алты бала, алар Колай авылында яшиләр. "Өч балабыз әле бик бәләкәй, алар сөт эчәргә ярата. Ә кибеттә сөт бәясе, үзегез беләсез, кыйммәт, әлегә гаиләдә ирем генә эшли, мин балалар белән өйдә утырам. Шуңа күрә мин район башлыгына мөрәҗәгать иттем. Илһам Миңнеханович мине бик игътибар белән тыңлады. Тик мин хыялыбыз шулай бик тиз тормышка ашыр дип ышанып та җитмәгән идем. Сөенечебез бик зур. Безнең гаилә өчен хуҗалыкта сыер барлыкка килү – бик зур вакыйга. Мондый бүләк өчен Илһам Миңнехановчика бик рәхмәтлемен. Безгә ярдәм иткән һәркемгә зур рәхмәт", – дип сөйли Ирина Куприянова.


"Бу бик тату һәм хезмәт сөючән гаилә, аларның хыяллары чынга ашырга тиеш, шуңа күрә без бу гаиләгә Яңа елга шундый бүләк ясау мөмкинлеген таптык", – ди Питрәч районы башлыгы Илһам Кашапов.

 

Буаз тана тиздән бозаулаячак. Шулай итеп, әлеге күп балалы гаилә икеләтә бүләк алды.

 


Бу язманы шәхси сәхифәгезгә дә урнаштырыгыз:

Архив

Котлыйбыз!