ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Рөстәм Миңнеханов Стратегик инициативалар агентлыгының Күзәтүчеләр советы утырышында катнашты

 

Бүген Татарстан Республикасы Президенты Рөстәм Миңнеханов Мәскәүдә «Яңа проектларны алга сөрү буенча стратегик инициативалар агентлыгы» автономияле коммерциячел булмаган оешмасының Күзәтүчеләр советы утырышында катнашты. Утырыш Россия Президенты Владимир Путин рәислегендә узды, дип хәбәр итә республика башлыгының матбугат хезмәте.


Көн тәртибендә – 2018 елда Стратегик инициативалар агентлыгының эш йомгаклары, шулай ук Агентлык 2019-2021 елларда гамәлгә ашырырга ниятләгән яңа проектлар. Шулар арасында шәһәр үсешенең актуаль проблемаларына игътибар иткән шәһәр бергәлекләренә һәм аларның лидерларына ярдәм күрсәтү, эшкуарлар мөрәҗәгатьләре белән эшләгәндә цифрлы платформа булдыру, шулай ук илдә технологик эшкуарлыкны үстерү буенча системалы чаралар күрү.


Кереш сүзендә Владимир Путин белдергәнчә, Стратегик инициативалар агентлыгы – «эшләнгән эшләре һәм планлаштырылган проектлары буенча шатландырырлык проект».


Стратегик инициативалар агентлыгының җиде еллык эшчәнлегенә йомгак ясап, Владимир Путин ассызыклаганча: «Күзгә күренерлек, аңлаешлы нәтиҗәләр бар. Бу - бизнес өчен хокукый базаны һәм шартларны яхшырту. Икенчесе – 350дән артык конкрет проектка ярдәм күрсәтү, аларда – эш урыннары, алдынгы продуктлар, технологияләр. Һәм, ниһаять, бу ирекле, мәгариф һәм социаль инициативалар. Әлбәттә, Агентлык бурычларны хәл итәрлек уникаль механизм эшләде, иң мөһиме, үз тирәсенә уңай үзгәрешләрне иҗат итәрлек һәм алга сөрерлек кешеләр берлеген туплады. Алар арасында – эшкуарлар да, новаторлар да, волонтёрлар да, коммерциячел булмаган оешмалар вәкилләре дә, галимнәр дә: хәзер мин канәгатьлек хисе белән берничә проектны карап чыктым, алар фәннән килеп чыга, фундаменталь фәннән үсә, билгеле инде, болар бар да шатландыралар».

 

Утырышты катнашучылар «Социаль проектлар», «Яңа бизнес», «Яшь профессионаллар» юнәлешләре проектлары һәм инициативалары буенча фикер алыштылар.

Стратегик инициативалар агентлыгының Лидерлар клубы вәкилләре Россия Президенты Владимир Путинга «Россия» дип язылган һәм дәүләт гербы төшерелгән, композит  материалдан ясалган хоккей кәшәкәсе бүләк иттеләр. Владимир Путинга композит хоккей кәшәкәләре җитештерүче предприятие турында сөйләделәр. Искәртәбез, композит материаллардан ясалган хоккей кәшәкәсе Чаллыдагы «Заряд» ҖЧҖ заводында җитештерелгән.


Бу язманы шәхси сәхифәгезгә дә урнаштырыгыз:

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!