ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Рөстәм Нигъмәтуллин: “Дәүләт телләре турында” закон үтәлеше эшен дәвам иттерү кирәк

Татарстан Премьер-министрының беренче урынбасары Рөстәм Нигъмәтуллин Юстиция министрлыгы коллегиясендә “Дәүләт телләре турында” закон үтәлеше юнәлешендә эшне дәвам иттерергә кушты. Бу хакта ул министрлыкның йомгаклау коллегиясе утырышында әйтте, дип хәбәр итә "Татар-информ".

“Дәүләт телләре турында” закон гамәлгә ашырылуына игътибар бирелә. Уңай динамикага карамастан, барлык күрсәткечләр үтәлешенә дә ирешелмәгән. 2019 елда бу юнәлештә эшне дәвам иттерү кирәк”, - дип белдерде Рөстәм Нигъмәтуллин. Аның әйтүенчә, ирешелгән күрсәткечләргә карап, гомумән алганда, республика Юстиция министрлыгының 2018 елгы эшчәнлегенә уңай бәя биреп була.

“Хокукый база икътисади, сәяси үзгәрешләргә оператив реакциясен күрсәтергә тиеш”, - диде. Беренче вице-премьер сүзләренчә, 2018 елда министрлык закон чыгару эшендә планны үтәгән. “Башкарма хакимият органнары закондагы үзгәрешләргә игътибар биреп, норматив-хокукый акт проектларының Хөкүмәткә вакытында кертелүен кайгыртырга тиеш”, - диде.

“2018 елда республикада "Кодекс" мәгълүмати системасы гамәлгә кертелгән. Дәүләт һәм муниципаль хакимият органнары бу мөмкинлектән активрак файдаланырга тиеш. Кызганыч, без әлегә киресен күрәбез. 2019 елда Юстиция министрлыгы координация ролен ныгытырга тиеш”, - дип әйтте Рөстәм Нигъмәтуллин.

Ул республикада 38 дәүләт программасы арасында “2014-2021 елларда юстиция үсеше” программасы да булуын искәртте. “Без аның нигезендә җәмәгать судьялары эшен тәэмин итәбез. Бу программаның төп максаты – үз хокукларын яклауны сорап мөрәҗәгать иткән гражданнарга уңайлы шартлар тудыру”, - диде. Рөстәм Нигъмәтуллин әйтүенчә, 2018 елда бу программага 108,4 млн сум акча бүлеп бирелгән.

Ул систематизация, матди-техник җиһазланыш әйәмиятен билгеләп үтте. “Министрлыкка, Министрлар Кабинеты каршындагы Икътисади һәм социаль тикшеренүләр үзәге белән берлектә, суд участокларында техник җиһазланыш нормативларын эшләү һәм аны Хөкүмәткә раслауга юлларга кирәк дип саныйбыз. Бу 1 сентябрьдән мәҗбүригә әвереләчәк. Әлеге мөһим сорауны контрольгә алу зарур”, - диде.


Бу язманы шәхси сәхифәгезгә дә урнаштырыгыз:

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!