ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

Рөстәм Миңнеханов «КАМАЗ-Мастер» командасын «Дакар» раллиендә җиңү белән котлады

 

Татарстан Президенты Рөстәм Миңнеханов «КАМАЗ-Мастер» командасын «Дакар» раллиендә җиңү белән котлады. Бу хакта Татарстан Президенты матбугат хезмәте хәбәр итә.

Рөстәм Миңнеханов «КАМАЗ» ГАҖ генераль директоры Сергей Когогинга, «КАМАЗ-мастер» командасы җитәкчесе Владимир Чагинга, «КАМАЗ-мастер»командасы барлык коллективына адресланган котлау телеграммасын җибәрде.

«Хөрмәтле камазлылар! Сезне чын күңелдән сәламлим һәм иң дәрәҗәле, «Дакар-2019» халыкара раллиенда чираттагы искиткеч җиңүегез белән котлыйм. Тагын бер мөһим һәм катлаулы үр алынды, ул шулай ук КАМАЗ яшьләренең остазларының традицияләрен ышанычлы һәм лаеклы дәвам итүен исбатлады», диелгән әлеге текстта.

Элеккечә «КАМАЗ-Мастер»ның җиңү нәтиҗәсе булып менә дигән куәтле техника һәм спортчыларның югары профессионализмы, безнең команданың бердәмлеге һәм кыюлыгы, көчле рухы һәм җиңүгә омтылышы торды, ди Рөстәм Миңнеханов.

«Эдуард Николаев һәм Дмитрий Сотников экипажларына, максатка тугрылыклы һәм мавыгулы, киеренке хезмәт өчен уртак уңышка үз өлешләрен керткән һәркемгә рәхмәт белдерәм. Сез матур җиңү белән ачып җибәргән 2019 ел сезнең өчен дә, камазлылар өчен дә, бөтен республика өчен дә яңа казанышларга һәм уңышларга бай булсын. Сезгә бәхет, сәламәтлек һәм уңышлар телим», - диелгән котлауда.


Бүген  узышның соңгы – унынчы этабы узды. Гомуми зачетта Чаллыдан Эдуард Николаев экипажы беренче урынны алды. Бу – аның "Дакар" раллиендә дүртенче җиңүе. Икенче урынны "КАМАЗ-Мастер"ның тагын бер вәкиле Дмитрий Сотников алды.  



Бу язманы шәхси сәхифәгезгә дә урнаштырыгыз:

"Ватаным Татарстан" газетасының Муса Җәлил истәлегенә уздырылучы турнир җиңүчеләре ачыкланды

 

Командалар беренчелеген Теләче егетләре отты. Икенче урында – Актаныш. Әлмәтләр исә өченче булды.

Бүген Актанышта узган “Ватаным Татарстан” газетасы гамәлгә куйган Муса Җәлил исемендәге милли көрәш бәйгесенең җиңүчеләре билгеле.

 Исемлекне тәкъдим итәбез:

 60 кг үлчәү авырлыгы:

1 урын - Милютин Тимур (Әлмәт)

2 урын – Гайнеев Дмитрий (Лаеш)

3 урын – Гыйниятуллин Фирзәр (Теләче), Нургалиев Раббани (Актаныш)

 65 кг үлчәү авырлыгы:

1 урын – Мортазин Искәндәр (Актаныш)

2 урын – Закиров Илнар (Алексеевск)

3 урын – Локманов Шамил (Теләче), Ганиев Ранил (Кама Тамагы)

 70 кг үлчәү авырлыгы:

1 урын – Сәләхов Рөстәм (Яңа Чишмә)

2 урын – Кәримуллин Динар (Теләче)

3 урын – Зәйнәшев Равил (Яр Чаллы), Хәйриев Данил (Балык Бистәсе)

 75 кг үлчәү авырлыгы:

1 урын – Зөлкәрнәев Артур (Теләче)

2 урын – Кәримов Марат (Әлмәт)

3 урын – Садыков Рамазан (Яңа Савин), Гобәйдуллин Илнур (Кукмара)

 80 кг үлчәү авырлыгы:

1 урын – Кәлимуллин Ренас (Теләче)

2 урын – Шакиров Роберт (Яр Чаллы)

3 урын – Гәбдерәшитов Азат (Актаныш), Хәдиев Айзат (Арча)

 85 кг үлчәү авырлыгы:

1 урын – Сәләхетдинов Раил (Кукмара)

2 урын – Галимуллин Ранис (Теләче)

3 урын – Зарипов Илназ (Саба), Әсхәдуллин Салават (Балтач)

 90 кг үлчәү авырлыгы:

1 урын – Галимов Илнар (Актаныш)

2 урын – Төхвәтуллин Илмир (Яңа Савин)

3 урын – Гозәеров Марсель (Әлмәт), Сираев Раил (Актаныш)

 100 кг үлчәү авырлыгы:

1 урын – Сыртаев Айнур (Чистай)

2 урын – Мусин Булат (Яңа Савин)

3 урын – Закиров Данис (Саба), Әдиятуллин Дамир (Әлмәт)

 130 кг үлчәү авырлыгы:

1 урын – Галләмов Муса (Теләче)

2 урын – Нургалиев Раил (Биектау)

3 урын – Сагиров Раил (Спасс), Рафиков Валерий (Актаныш)

 130 кг нан югары үлчәү авырлыгы:

1 урын – Мөхәммәтҗанов Марат (Түбән Кама)

2 урын – Фәйзуллин Фәрхәт (Питрәч)

3 урын – Гыйләҗетдинов Ранис (Яр Чаллы), Воронов Радик (Тукай)

Командалар буенча беренче урында Теләче районы, икенче - Актаныш, өченче урында - Әлмәт районы.

Бу хакта тулырак: https://tatar-inform.tatar/news/2019/02/15/180919/

Архив

Котлыйбыз!