ИҖТИМАГЫЙ-СӘЯСИ ГОМУМТАТАР ГАЗЕТАСЫ

◄ башка яңалыклар

«Россия чаңгы юллары» һәм «Татарстан чаңгы юллары» ярышларында республикада 171 мең 950 кеше катнашты

 

Быел «Россия чаңгы юллары-2019» һәм «Татарстан чаңгы юллары-2019» спорт чараларында республика калалары һәм районнарында 171 мең 950 кеше катнашты, дип хәбәр итә Спорт министрлыгының матбугат хезмәте.


Казанда традицион спорт бәйрәме шәһәрнең өч мәйданчыгында узды. Горки-Әмәт урманында Совет, Идел буе һәм Вахитов районнарында яшәүче 6 меңгә якын кеше чаңгы юлына чыкты. Гаврилов урамы буенча Казансу елгасы ярындагы мәйданчыкка 5 меңгә якын кеше килде-монда күбесенчә Авиатөзелеш һәм Яңа Савин районнарында яшәүчеләр җыелды.


«Россия чаңгы юллары-2019» ның төп старты Татарстан башкаласының Юдино бистәсендә «Локомотив» стадионында бирелде, анда чаңгы узышларын яратучылар 10 мең иде.


Татарстан Республикасы муниципаль районнарында шулай ук «Татарстан чаңгы юллары»массакүләм стартлары узды. Быел ярышлар шул исәптән 2018 елда республиканың 16 районы территориясендә ачылган 16 модульле чаңгы базасына – Азнакай, Аксубай, Актаныш, Алексеевск, Арча, Балтач, Бөгелмә, Буа, Алабуга, Яшел Үзән, Кайбыч, Лениногорск, Лаеш, Түбән Кама, Тәтеш һәм Чирмешән районнарында узды.


Исегезгә төшерәбез, «Россия чаңгы юллары» безнең илдә ел саен 1982 елдан бирле үткәрелә. Казанда чаңгы ярышлары 15 нче тапкыр узды.


Бу язманы шәхси сәхифәгезгә дә урнаштырыгыз:

Архив

Котлыйбыз!