Депутатым минем! «Бердәм Россия» халык белән яңача аралаша

“Бердәм Россия” партиясе халыкка тагын да якынаймакчы. Партиянең җәмәгатьчелекне кабул итү бүлмәсендә журналистлар белән очрашуда Дәүсовет рәисе урынбасары, парламенттагы БР фракциясе җитәкчесе Юрий Камалтынов быелгы сайлау кампаниясендә кулланылачак яңа эш алымнары турында сөйләде.

Шуларның берсе – “Минем депутат” (“Мой депутат”) проекты. Юрий Камалтынов әйтүенчә, алдан тавыш бирү нәтиҗәләре буенча, бүген партия эшчәнлеген 400 мең татарстанлы хуплый. Бер­дәм­рос­сиялеләр саны – 120 мең, беренчел партия оешмалары 2 мең чамасы икән. Партия шактый ишле булса да, күрәсең, һәркемнең күңе­ленә барып җитеп булмый. Шуңа күрә “Минем депутат” дигән сайт эшли башлаган да инде.

Хәзер хезмәт иясе халкы сайт аша һәм Whats­Аpp­ка хә­бәр җибәреп яки телефон аша депутатлыкка кандидатлар белән турыдан-туры элемтәгә кереп гозер-тәкъ­димнәрен җиткерә ала­чак. Узган чакырылышта халыктан 2,5 мең үтенеч (наказ) кергән, шуларның 90 проценты үтәлгән, ә инде яңа сайт эшли башлагач, халык үз хезмәтчеләрен үтенеч-мө­рәҗәгать белән, гомумән, кү­меп ташларга мөмкин. Әмма бу “Бердәм Россия”не куркытмый. Юрий Камалтынов әйт­кән­чә, сайтка килгән һәр гозер исәпкә алыначак һәм аларны парламент үз эшендә файдаланачак. Хәтта депутатлыкка үтә алмаган кандидатларга килгәннәре дә югал­маячак. Чөнки партия контроле көчле.

Сайт аша көне буе, ягъни иртәнге 9дан кичке 9га хәтле кандидатлар белән хәбәр­лә­шеп торырга мөм­кин. Әгәр сезгә, мәсәлән, телефон аша шунда ук җа­вап бирә алмыйлар икән, үз телефоныгызның номерын калдыра аласыз. Кыскасы, “Бердәм Россия”, киң колач җәеп, халыкка бармакчы.

Бердәм Россия” партиясе “Безнең ишегалды” программасын әзерли

Киләсе атнада “Бердәм Россия” партиясе депутатлары һәм Татарстан Дәүләт Советына депутатлыкка кан­дидатларның республика шәһәрләре һәм бис­тә­лә­рен­дә күпкатлы йортларда яшәү­челәр белән очрашулары б­ашланачак. Ишегалларын яңарту һәм уңай­лы шарт­лар булдыру зарурлыгы турындагы баш­лангыч бе­лән “Бер­дәм Россия” пар­тия­сенең Татарстан Дәү­ләт Советындагы фракция вәкиллә­ре апрель аенда ук чыккан иде.

– Татарстан Президенты, әлеге башлангычны хуп­лады. Республиканың Тө­зе­леш, архитектура һәм то­рак-коммуналь хуҗалык ми­нистрлыгына һәм пар­тия­гә “Без­нең ишегалды” программасын әзер­ләү бурычы куелды. Партия әгъза­лары халык белән очрашулар вакытында фикер-тәкъ­дим­нәр­не җыячак, – ди “Бер­­дәм Рос­сия”нең Татарстандагы тө­бәк бүлеге секретаре урынбасары Юрий Камалтынов.

Инде киләсе атнада ук партия программаның беренче әзерлек эшләренә ке­решә: депутатлар һәм кандидатлар ишегалларында халык белән очрашулар уз­дыра башлаячак. Эшче төр­кемне Татарстан Дәүләт Советы секретаре, “Бердәм Рос­сия” партиясе әгъзасы Лилия Маврина җитәкли.

– Программаны тормышка ашыру буенча барлык эшләр халык фикерен исәпкә алып башкарылачак. Мөм­кин кадәр күбрәк ишегалларында булу мө­һим. Халык әйткән фи­кер-тәкъдим­нәрне сентябрь аенда ук министр­лыкка җиткерергә кирәк, – ди Юрий Камалтынов.

Төзелеш, архитектура һәм торак-коммуналь ху­җа­лык министрлыгы исә Тех­ник инвентаризация бюросына республикадагы барлык күпкатлы йортлар ишег­ал­ларының паспортын әзер­ләргә йөклә­мә бир­гән инде. Бер үк вакытта чы­гым­нар­ның күлә­ме дә исәп­ләнә.

Программа, чыннан да, бик күләмле булачак. Биш ел эчендә республиканың барлык шәһәр һәм район үзәк­ләрендәге 9 меңнән артык ишегалдын тулы тәр­тип­кә ки­терү нияте бар.