Төркиядә авария: россиялеләр дә зыян күргән

Төркиянең Анталья шәһәрендә туристларны йөрткән микроавтобус тау юлында трассадан төшеп китеп, чокырга тәгәрәгән. 

— Юл халәкәте нәтиҗәсендә Россиянең алты гражданы төрле дәрәҗәдәге җәрәхәтләр белән хастаханәгә озатылган. Безнең барлык гражданнар да аңында, авыр зыян күрүчеләр юк, — диелә Әнкарадагы Россия Илчелеге хәбәрендә.

Россия Федерациясенең Антальядагы Генераль консуллыгы дипломатлары тиздән зыян күргән россиялеләр янына барырга ниятли.

Авария нәтиҗәсендә бер турист — Нидерландның 46 яшьлек гражданины һәлак булган. Машина йөртүче һәм тагын 11 чит ил пассажиры зыян күргән.


Фикер өстәү