Татарстан башкаласында WorldSkills Kazan 2019 дөнья чемпионатына әзерлек һәм аны уздыру чорында транспорт хәрәкәте чикләнәчәк һәм транспортның юл хәрәкәтен оештыру схемаларына үзгәрешләр кертеләчәк., дип хәбәр итә KZN.RU порталы.
Транспорт чаралары хәрәкәтен чикләү 21-нче һәм 22-нче августта 16.00 сәгатьтән 23.00 сәгатькә кадәр, 26-нчы августның 16.00 сәгатеннән 27-нче августның 01.00 сәгатенә кадәр, 27-нче августның 16.00 сәгатеннән 28-нче августның 01.00 сәгатенә кадәр кертеләчәк.
Шәһәрдәге урам-юл челтәренең түбәндәге участокларында транспорт хәрәкәте чикләнәчәк:
Сибгат Хәким урамы ике юнәлештә дә, Ф.Әмирхан проспектыннан Чистай урамына кадәрге участокта;
Чистай урамы ике юнәлештә дә, Сибгат Хәким урамыннан алып Х.Ямашев проспектындагы съездга кадәр — Академик Арбузов урамына таба юнәлештә һәм Гаврилов урамы ягыннан Чистай урамы буенча урнашкан 75-нче номерлы йортка кадәр;
Чистай урамына Чистай ур., 85а һәм Чистай ур., 79 адресы буенча урнашкан йортлар янындагы квартал эчендәге юллардан чыгу;
3-нче транспорт дамбасының әйләнеп уза торган күперендә ике юнәлештә дә, Х.Ямашев проспектыннан алып Х.Ямашев проспектының әйләнеп уза торган күперенә чыгу юлында;
«Казан Арена» стадионы тирәсендәге әйләнгеч юл;
3-нче транспорт дамбасы астындагы борылу юлы ике юнәлештә дә.
Моннан тыш, 10-нчы августның 6.00 сәгатеннән алып 30-нчы августның 22.00 сәгатенә кадәрҖиңү проспектының Х.Мәүлетов урамы ягыннан һәм Җиңү проспекты ягыннан төшү юлыннан ике юнәлештә дә Җиңү проспекты янындагы дублер-юлга таба хәрәкәт чикләнәчәк;
23-26 август көннәрендә 6.00 сәгатьтән 21.00 сәгатькә кадәр Казан теннис академиясе территориясендә, Җиңү проспектыннан Оренбург трактына төшү юнәлешендәге участокта, Оренбург трактыннан алып Академик Парин урамына кадәрге эчке юлда ике юнәлештә дә;
23-26 августта 6.00 сәгатьтән 21.00 сәгатькә кадәр «Казан ярминкәсе» күргәзмә үзәге каршындагы парковка территориясендә;
24-нче августта 6.00 сәгатьтән 16.00 сәгатькә кадәр Пушкин урамы буенча, К.Маркс урамыннан Большая Красная урамына кадәр, ике юнәлеш буенча да;
18-нче һәм 20-нче августта 6.00 сәгатьтән 16.00 сәгатькә кадәр Меңьеллык мәйданының Үзәк стадион ягыннан парковка территориясендә хәрәкәт чикләнәчәк;
18-нче һәм 20-нче август көннәрендә 6.00 сәгатьтән 23.00 сәгатькә кадәр «Казан» халыкара ат спорты комплексы янындагы территориядә.
21-нче, 22-нче, 26-нчы һәм 27-нче август көннәрендә Нигъмәтуллин урамы буенча хәрәкәт итү схемасы үзгәрәчәк – биредә С.Хәким һәм Чистай урамнары арасындагы участокта ике яклы хәрәкәт оештырылачак, шулай ук бу көннәрдә Нигъмәтуллин урамыннан Чистай урамына (барьер коймаларын сүтү юлы белән) сул як борылыш рөхсәт ителәчәк.
21-нче һәм 22-нче августта 16.00 сәгатьтән 23.00 сәгатькә кадәр, 26-нчы августның 16.00 сәгатеннән 27-нче августның 01.00 сәгатенә кадәр, 27-нче августның 16.00 сәгатеннән 28-нче августның 01.0 сәгатенә кадәр Чистай урамыннан Адоратский урамына (Нигъмәтуллин урамы ягыннан хәрәкәт иткәндә) киртәләрне демонтажлау юлы белән сул якка борылу рөхсәт ителәчәк, РФ Эчке эшләр министрлыгының Казан шәһәре буенча ЮХИДИ бүлеге таләбе буенча Адоратский урамы буенча Четаев урамыннан Чистай урамына таба юнәлештә транспорт чаралары хәрәкәте чикләнәчәк.
21-нче һәм 22-нче августта 16.00 сәгатьтән 23.00 сәгатькә кадәр, 26-нчы августның 16.00 сәгатеннән 27-нче августның 01.00 сәгатенә кадәр, 27-нче августның 16.00 сәгатеннән 28-нче августның 01.00 сәгатенә кадәр Адоратский урамыннан хәрәкәт иткәндә Ямашев проспектыннан Чистай урамына төшү урынындагы уң як борылышта транспорт хәрәкәте чикләнә.
21-нче һәм 22-нче августта 16.00 сәгатьтән 23.00 сәгатькә кадәр, 26-нчы августның 16.00 сәгатеннән 27-нче августның 1.00 сәгатенә кадәр, 27-нче августның 16.00 сәгатеннән 28-нче августның 01.00 сәгатенә кадәр Чистай урамы янындагы Адоратский һәм Ямашев урамнары арасындагы участокта ике як буенча да хәрәкәт чикләнәчәк.
Шулай ук 21-нче һәм 22-нче августта 16.00 сәгатьтән 23.00 сәгатькә кадәр, 26-нчы августның 16.00 сәгатеннән 27-нче августның 01.00 сәгатенә кадәр, 27-нче августның 16.00 сәгатеннән 28-нче августның 01.00 сәгатенә кадәр Нигъмәтуллин һәм А.Козин урамнарыннан С.Хәким урамнарына чыгу юллары чикләнәчәк.
21-нче һәм 22-нче августта 16.00 сәгатьтән 23.00 сәгатькә кадәр, 26-нчы августның 16.00 сәгатеннән 27-нче августның 01.00 сәгатенә кадәр, 27-нче августның 16.00 сәгатеннән 28-нче августның 01.00 сәгатенә кадәр Чистай урамы буенча — Ямашев проспектыннан Адоратский урамына кадәрге участокта — махсус каплагыч блоклар куелачак.
Моннан тыш, 20-28 августта Нигъмәтуллин, Адоратский урамы, Чистай урамыннан Ямашев проспектына кадәр, Чистай урамындагы 73, 75, 77, 79 һәм 85а номерлы йортлар янындагы җирле юлларда транспорт чараларын кую урыннары чикләнәчәк.
Инсталляцион тамаша уздыру көннәрендә – 21-23 августта 20.00 сәгатьтән 24.00 сәгатькә кадәр – шулай ук транспорт чаралары хәрәкәте һәм парковка чикләнәчәк: Кремль урамы буенча, Чернышевский урамыннан алып Беренче Май мәйданына кадәр һәм Беренче Май мәйданында.
Чикләүләр «Спорт һәм социаль проектлар дирекциясе» коммерцияле булмаган автоном учреждениесе тарафыннан билгеләнгән формалар буенча махсус пропусклар белән җиһазландырылган транспорт чараларына, ашыгыч һәм оператив хезмәтләрнең транспорт чараларына кагылмый.
Телеграмда безнең каналга кушылыгыз: https://t.me/vatantat