Кискән тырнакны, коелган чәчләрне ягаргамы, күмәргәме?

– Кискән тырнакны, коелган чәчләрне теләсә кая ташларга ярамый, диләр. Аларны ягаргамы, күмәргәме?
– Дин буенча, тырнакны атнакич яки җомга көнне кисү яхшы. Җомга көнне җомга намазына әзерләнәбез, чистарыну гамәле сөннәт булып тора. Тырнакны атнакич киссәң – матди, җомга көн­не киссәң, рухи яктан бай булырсыз, дигән фикерләр дә бар. Дө­рес, ул тиеш булган гомуми ка­гыйдә түгел. Сөннәт булганга җомга көнне киңәш ителә. Чәч тә, тырнак та – кешенең калдыгы, аларны күмәргә кирәк. Тырнакларны, чәчләрне сихер-бозым өчен кулланырга мөмкин, дип тә әйтәләр. Күмеп кую шуннан да саклый.