Татарстанда Зөягә интермодаль туристик маршрут ясалды. Хәзер утрауга «электричка + автобус» схемасы буенча барып җитәргә мөмкин, дип хәбәр итә «Содружество» шәһәр яны пассажир компаниясе.
«Проект кысаларында туристлар шәһәр яны тимер юл кассаларында Зөянең алты музеена бару өчен махсус бәядән бердәм билетлар сатып алырга мөмкин. Әлеге билет булган очракта, алар шулай ук автобуста Зөя станциясеннән утрауга кадәр һәм кирегә кайта алалар», – диелә компания хәбәрендә.
Туристлар билетларны Казан-1, Казан-2, компрессор, Әмәт Метросы, Юдино, Васильево, Яшел Үзән, Зөя станцияләрендә сатып алырга мөмкин.
Автобуслар һәм шәһәр яны поездларының расписаниесе килештерелгән, әмма тимер юл билеты аерым алына. Автобус Свияжск станциясеннән – 9.45, 12.10, 14.10, 15.45 һәм 17.10, ә утраудан-11.30, 13.30, 15.10, 16.25 һәм 17.30 кузгалып китә.
