Сайлау көнендә «Казан Арена» да шәһәр халкы өчен зур бәйрәм концерты узачак. Бу хакта Казан Башкарма комитеты Аппараты җитәкчесе Евгений Варакин шәһәр Мэриясендә узган эшлекле дүшәмбе вакытында хәбәр итте.
«Казанлыларны Россия һәм Татарстан эстрадасы йолдызлары — «Любэ» төркеме, Диана Арбенина, «Ночные снайперы» төркеме, рэпер Slame, шулай ук җырчылар Илдар Хәкимов һәм Гүзәл Уразова чыгышлары көтә», — дип сөйләде спикер.
Концерт программасы 14.00 сәгатьтә башланачак, дип өстәде ул.
