10 сентябрьдән 15 сентябрьгә кадәр Татарстан Республикасы Авыл хуҗалыгы һәм азык-төлек министрлыгы ярдәме белән Татарстан Республикасының Актаныш районында ТАССРның 100 еллыгына багышланган «Авыл яшьләре» ХІ җәйге авыл спорт уеннарының финал ярышлары узачак.
Авыл спорт уеннары авыл халкының сәламәтлеген ныгыту, физкультура һәм спорт белән актив шөгыльләнү өчен шартлар тудыру, авылда иң популяр спорт төрләрен үстерү һәм авыл халкы арасында сәламәт яшәү рәвешен гамәлгә кертү максатыннан үткәрелә. Ярышларда катнашучылар өчен таләп – авыл җирлегендә яшәү.
Республикада милли уеннар киң колач алды. Беренче тапкыр алар 1998 елда Яшел Үзән шәһәрендә үткәрелгән, ул вакытта анда 28 район гына катнашкан. 2011 елдан башлап республиканың барлык 43 районы да ярышларда катнаша. Ике елга бер тапкыр уздырыла торган уеннарны Буа, Чистай, Алабуга, ике тапкыр Минзәлә, Зәй һәм Мамадыш кабул итте.
Быел ярышларны Актаныш авылы үзендә кабул итә. Финал ярышлары «Сәламәтлек»авыл Спартакиадасы программасы кысаларында аркан тарту, мас-рестлинг, «көрәш», җиңел атлетика, волейбол, өстәл теннисы, шашка, шахмат, бадминтон һәм мини-лапта буенча узачак. Әлбәттә, изюма чарасы сыер савучылар һәм механизаторлар ярышлары булачак.
Татарстан Республикасы Авыл хуҗалыгы һәм азык – төлек министрлыгы авыл халкын актив катнашырга чакыра , ә авыл яшәү рәвешенә битараф булмаган кешеләрне ярышларда катнашучылар өчен җан атарга чакыра.
