Татарстан Президенты Рөстәм Миңнеханов «Динамо-Казан» спорт клубы коллективына чирәмдәге хоккейда Россия чемпионатында җиңү уңаеннан котлау телеграммасы юллады. Бу хакта республика җитәкчесенең матбугат хезмәте хәбәр итә.
«Бу — бөтен команданың, баш тренер Араик Арташ улы Маргарянның һәм аның тренерлар штабының армый-талмый эшләвенең закончалыклы нәтиҗәсе, республикабызның спорт даны тупланмасына зур өлеш кертүе. «Динамо-Казан» тату командасының ил чирәм хоккееның данлы традицияләрен саклап калуына һәм арттыруына шатмын. Чирәмдәге хоккей — ул бөтен дөньяда бик популяр булган матур, мавыктыргыч спорт төре», – ди Рөстәм Миңнеханов.
«Киләчәктә дә тренерлар коллективының югары профессионализмы һәм сәләтле спортчыларның клуб җитәкчелегенең грамоталы оештыру эшчәнлеге белән ныгытылган хезмәте яңа искиткеч җиңүләргә нигез булсын», — диде Татарстан Президенты.
Кичә «Динамо-Казан» командасы, «Динамо-Электросталь» ны 4:3 исәбе белән җиңеп, чирәмдәге хоккей буенча Россия чемпионатында унҗиденче тапкыр җиңү яулады.
Телеграмда безнең каналга кушылыгыз: https://t.me/vatantat