“Патшаларча балык”
Горбуша балыгын сөякләреннән арындырып, филесын гына калдырып, тоз, борыч белән ышкып, берничә сәгатькә калдырып торабыз. Аерым табада суган һәм кишер кыздырабыз. Аннан балык өстенә шул кыздырган суган-кишерне, турап помидор, сыр салабыз. Иң өстенә майонез сылыйбыз. Кызган мичкә 20 – 30 минутка озатабыз. Төелгән бәрәңге һәм яшелчәләр белән бер дигән ризык!
Тутырылган үрдәк
Үрдәкне бер тәүлек тозлы суда тотабыз. 10 литрлы савыттагы суга 600 – 700 гр тоз, укроп, дәфнә яфрагы, түгәрәк борыч, 5-6 тырнак сарымсак салабыз. Тәүлек узгач, судан алып, суын саркытабыз, эчен-тышын соус белән ышкыйбыз. Соусны аджикага майонез кушып ясарга мөмкин. Үрдәк эченә яшел каты алма һәм кара җимеш тутырырга була. Аннан үрдәкнең эчен тегеп куябыз һәм аны 2 сәгатькә 180 градуслы кайнар мичкә озатабыз.