Татарстан Сәламәтлек саклау министрлыгы ике вертолет алырга җыена

Кеше гомерен “Ансат” яр­дә­мендә саклап калалар. Медицина вертолеты елына 100дән артык очыш ясый. Киләчәктә Татарстан Сәламәтлек саклау министрлыгы тагын ике шундый вертолет алырга җыена.

Министр Марат Садыйков “Татар-информ” мәгълүмат агент­лыгына биргән интервью­сын­да шулай дип белдергән. “2019 елда 115 очыш планлаштырылган иде, аның 107се башкарылды инде. Соңгы ике елда 500дән артык кеше гомерен сак­лап кала алдык. 2024 елга кадәр “Ансат” вертолетының очышлары 300гә кадәр арттырылачак, киләсе елдан резервта торган вертолетны куллана башлаячакбыз”, – дигән ул.


Фикер өстәү