Казанда исерек таксист 90 яшьлек хатын-кызны таптаткан

Казанда «Рено» чит ил машинасы белән идарә иткән исерек йөртүче 90 яшьлек хатын-кызны таптатып үтергән. Бу турыда Татарстан буенча Эчке эшләр министрлыгы матбугат хезмәтендә хәбәр иттеләр.

Бүген иртән Назарбаев һәм Павлюхин урамнары чатында чит ил машинасы белән идарә иткән ир-ат светофорның кызыл төсенә туктамыйча, юл аша чыгып баручы өлкән яшьтәге хатынны таптаткан.

«90 яшьлек пенсионер хатын алган җәрәхәтләрдән шунда ук үлгән. Чит ил машинасы белән идарә иткән ир-атның алкоголь эчемлек кулланганы билгеле», — дип хәбәр иттеләр министрлык матбугат хезмәтендә.

Шаһитлар сүзләренчә, һәлакәтне такси йөртүче китереп чыгарган.

Бу хакта тулырак: https://tatar-inform.tatar/news/2019/11/16/197049/


Фикер өстәү