Чаллының Ашыгыч медицина ярдәме хастаханәсендә 19 яшьлек егет үлгән. Аны берничә көн элек балалар бакчасы янында кыйнаганнар. Бу хакта «Татар-информ»га хокук саклау органнарында үз чыганакларыннан билгеле булды.
Тикшерү фаразы буенча, 23 ноябрьдә 31нче комплекстагы «Шәүлегән» балалар бакчасы янында гадәттән тыш хәл булган. Биредә 18 яшьлек Андрей Сюрдов белән 19 яшьлек Радик Фатыйхов арасында низаг чыккан.
Сюрдов оппонентын куллары һәм аяклары белән тибеп кыйнаган. Алган җәрәхәтләрдән егет аңын югалткан. Бүген хастаханәдә аның үлеме билгеле булды.
Һөҗүмчене Фатыйхов һәлак булганчы тоткарлыйлар. Тикшерү шикләнелүчене кулга алу турында үтенеч язган. Сюрдов ике ел элек, 16 яшьлек чагында, кәрәзле телефоннар һәм планшет урлаган өчен шартлы рәвештә ел ярымга хөкем ителгән булган.
Нәтиҗәдә, суд аны ике айга кулга алган. Ул шикләнелүче сыйфатында тагын бер җинаять эше буенча уза.
"Татар-Информ"
