Казанның дары заводы ягыннан ишетелгән көчле шартлау тавышы эшләнмәләрне сынау белән бәйле. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Бүген иртәнге тугыздан кичке дүрткә кадәр завод территориясендә планлы сынаулар үткәреләчәк, егермегә якын залп яңгыраячак.
Моннан тыш, 11.00 сәгатьтә махсус мәйданчыкта күзәтү астында чүп-чар яндырырга ниятлиләр.
