Казанда җиңел автомобиль һәм фура бәрелешү нәтиҗәсендә дүрт кеше (шуларның икесе – балалар) төрле тән җәрәхәтләре алган. Бу хакта агентлыкка әлеге аварияне күргән кешеләр хәбәр итте.
Аларның сүзләренчә, авария кичә кичке сигезләр тирәсендә Химиклар урамында булган. Биредә 12нче модельле «Лада» һәм «ДАФ» йөк автомобиле юлны бүлешә алмаган. Нәтиҗәдә, җиңел автомобиль юлдан читкә чыккан.
Юл һәлакәтендә дүрт кеше (шуларның икесе – балалар) төрле тән җәрәхәтләре алган. Аларны ашыгыч ярдәм машинасында хастаханәгә озатканнар.
