Финанс министрлыгы Россиядә 2020 ел азагына ипотека ставкалары еллык 7-8 процентка кадәр кимер дип өметләнә. Бу хакта журналистларга Финанс министры урынбасары Алексей Моисеев хәбәренә сылтама белән РИА Новости хәбәр итә.
«Үлчәүләрне ясаганда — гомуми һәм индивидуаль, без хәзер кешеләрнең хезмәт хакы яхшы, кредитка керемнең нормаль нисбәте белән хәзер үк ставкаларны 9 проценттан кимрәк алуын күрәбез. Әлбәттә, бу яхшы тренд, без аны һәрьяклап хуплаячакбыз», — дип хәбәр итте Моисеев
Элегрәк Үзәк Банк башлыгы Эльвира Нәбиуллина декабрь аенда ипотека буенча уртача ставканың тарихи минимумны – 9 процентка яңартылуын әйткән иде. Ул шулай ук бу чик түгел, һәм ставкалар алга таба да кимиячәк, дип искәртте.
Вице-премьер Марат Хөснуллин узган атнада уртача ставкаларның агымдагы дәрәҗәсен 9 процентка арттырылган дип атады. Аларны киметмичә, торак буенча илкүләм проект максатларына ирешергә ярамый, дип билгеләп үтте ул.
«Торак һәм шәһәр мохите» илкүләм проекты 2024 ел ахырына уртача ипотека ставкасын 7,9 процентка кадәр киметүне күздә тота. Шулай итеп, Финанс министрлыгы фаразы тормышка ашса, бу максатка вакытыннан алда ирешеләчәк.
