Татарстан Президенты Рөстәм Миңнеханов мәктәп ашханәләрендәге кайнар ризык сыйфаты аерым контрольдә торырга тиеш дип саный. Бу хакта ул Казанның 186 нчы «Перспектива» лицеенда әйткән.
Рөстәм Миңнехановка Казанның 186 нчы лицеенда балаларга бирелә торган кайнар ризыкны тәкъдим иттеләр. Ул ашханәдәге меню белән танышып, ризыкларны авыз итеп карады. Президент балаларга пешереләсе ризык өчен алынган продуктлар югары сыйфатлы булырга тиешлегенә басым ясады.
Президентны мәктәп белән Казан мэры Илсур Метшин, Татарстан мәгариф һәм фән министры Рафис Борһанов, лицей директоры Азат Җамалетдинов һәм башкалар таныштырды. Президент ашханәдә балалар белән, ашханә пешекчеләре белән аралашты.
