Россия Президенты Владимир Путин РФ Конституциясенә «О совершенствовании регулирования отдельных вопросов организации и функционирования публичной власти» кертелгән федераль законга кул куйды. Документ хокукый мәгълүматның рәсми интернет-порталында бастырылган.
Яңалыклардан күренгәнчә, Төп законга үзгәрешләр бөтен халык тавыш бирүеннән соң үз көченә керергә тиеш, аларны кабул итү тәртибе — законның рәсми басмасыннан соң.
Хәзер Конституциягә элек эшләнгән төзәтмәләрне РФ Конституция суды карарга тиеш. Әгәр дә ул төзәтүләр законлы дип санаса, төзәтмәләр бөтен халык тавыш бирүенә чыгарылачак.
