Татарстан Республикасы буенча Эчке эшләр министрлыгы хезмәткәрләре Түбән Камада яшәүче бер ханымның, «WhatsApp» мессенджерыннан файдаланып, тавышлы хәбәр язып, берничә танышына юллавын ачыклаган, анда тиздән Түбән Кама шәһәренең коронавирус аркасында карантинга ябылачак диелгән.
Хатын үзенең хәбәрен мессенджерның күп кенә кулланучыларына, шулай ук төрле чатларга җибәрелүен белгәч, ул танышларына бу дөрес түгел дип белдергән. Аннары ул «НТР 24» телерадиокомпаниясенә аның тарафыннан җибәрелгән фейк яңалыкларын кире кагу өчен килгән. 2020 елның 17 мартында киң таралган фейк яңалыклары аркасында, «НТР 24» телерадиокомпаниясе әлеге фактны кире кагучы репортаж эшләгән.
2020 елның 19 мартында Түбән Камада яшәүче бер хатын-кыз дөрес булмаган мәгълүмат тарату факты буенча административ җаваплылыкка тартылган. Административ материал карап тикшерү өчен Түбән Кама шәһәр судының җәмәгать судына җибәреләчәк.
