Банклар торак коммуналь хезмәтләр өчен түләү кабул итми башларга яки тарифларын арттырырга мөмкин. Бу хакта банкирлар Үзәк Банк җитәкчелеге белән очрашуда хәбәр итте, дип яза РБК.
Сәбәбе — халыктан түләүләр өчен комиссия алуны тыю белән бәйле.
«Россия» банклары ассоциациясе Вице-президенты Алексей Войлуков банклар тарафыннан эшләнгән түләүләрне башкаруга киткән чыгымнарны компенсацияләү турындагы ике вариантны тәкъдим итте.
Беренче вариант — банкларның түләүләр башкаруга киткән чыгымнарын ресурслар белән тәэмин итүче компанияләрнеке кебек үк касса аша акча түләүләренә бәйле рәвештә кертелсен өчен, Хөкүмәт карарын үзгәртү.
Икенчесе түләүләр кабул итүче банк (идарәче компания) түләү үткәрүгә киткән чыгымнарны компенсацияләячәк схеманы эшләүне күздә тота. Финанс базарында чыгучы басмалар хәбәр иткәнчә, банкларга һәм түләү агентларына торак-коммуналь хезмәтләр өчен түләгәндә комиссия алуны тыю Сбербанк, ВТБ һәм Почта-банкта чагылыш табачак.
