Татарстан Президенты матбугат хезмәте җитәкчесе Лилия Галимова республика хакимиятенең Конституциягә төзәтмәләр буенча тавыш бирү гадәти форматта узачагын әйтте.
Тавыш бирүдә коронавирус таралуны булдырмас өчен барлык шартларны да үтәләчәк дип ышандыралар.
— Хәзерге вакытта без тавыш бирүнең классик вариантын карыйбыз. Тавыш бирүне уздыру планында классик, әмма оештыру күзлегеннән санитар-эпидемиологик таләпләрне махсус үтәү рәвешендәге үзгәрешләр булачак, — диде брифингта Лилия Галимова.
Мәгълүм булганча, илнең Төп законына үзгәрешләр кертү буенча тавыш бирүне Россия Президенты Владимир Путин 1 июльгә билгеләде. Ул ил халкы өчен ял көне дип игълан ителде.
