Кыр сарымсагыннан (черемша) салат ясап ашаганыгыз бармы икән? Гадәти сарымсакныкыннан киңрәк яфраклы бу үләннең (бакчада да, урман-кырларда да үсә), шулай ук редискаларның өлгергән чагы хәзер. Картайганчы, файдаланып калыйк алардан.
Кирәк булачак:
- бер бәйләм кыр сарымсагы
- 2-3 пешкән йомырка
- 100 г редиска
- 1 кыяр
- 1 бәйләм суган кыягы
- 1 бәйләм укроп
- Тәменә карап тоз
- Болгату өчен каймак.
Эш барышы. Кыр сарымсагы, укроп, суган кыягы һәм редисканы яхшылап юабыз. Бераз кипшергәннән соң турыйбыз. Йомырканы, чистартып, ваклап турыйбыз. Барысын бергә бер савытка салабыз. Тоз, каймак өстәп, болгатабыз.
Тәмле булсын!
