Татарстанның Мамадыш районында өчәү камуфляж формасында элеккеге имамны урлаган. Бу хакта «Татар-информ» ситуация белән таныш булган кеше сөйләгән.
Ишки авылы мәчетенең элеккеге имам-хатыйбын урлау июнь азагында ук булган. Камуфляж формасында билгесез өч кеше төнлә өлкән яшьтәге ир-атка һөҗүм итә. Алар элеккеге имамны бәйләгән, авызын каплап, башына пакет кидертеп, мәчет ачкычларын алганнар. Чыганак мәгълүматлары буенча, әлеге затлар мәчеттә акча табарга омөтләнгән, әмма аларның эзләнүләре уңышлы булып чыкмый.
Ул чакта җинаятьчеләр элеккеге имамны машинага утырта, юлчитенә алып китәләр, шунда ташлап калдыралар.
Өлкән яшьтәге ир аңына килгәч, шунда ук полициягә мөрәҗәгать итә.
Агентлыкка үз чыганагы хәбәр иткәнчә, Татарстан Республикасы буенча Эчке эшләр министрлыгы хезмәткәрләренең ТР буенча ФИХИ хезмәткәрләре белән уртак операциясе нәтиҗәсендә, фаразланган катнашучылар, шулай ук һөҗүмне оештыручылар кулга алынган. Тикшерү вакытында аларны сак астына алалар. Чыганак мәгълүматлары буенча, тоткарланган биш кешенең өчесе инде авыр җинаятьләр өчен берничә тапкыр хөкем ителгән булган.
