Казанда биш катлы йортта чыккан янгыннан ике кешене коткарганнар. Бу хакта ТР буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр.
Кичә 21.47 сәгатьтә ашыгыч хезмәтләрне бердәм чакыру 112 номерына Тукай урамындагы 102нче йортта янгын чыкканлыгы турында хәбәр алынган.
Чакыру буенча килгән янгын сүндерүчеләр биш катлы йорт фатирларының берсендә диван януын ачыклаган. Янгын сүндерүчеләр саклагыч битлек ярдәмендә ике кешене янгыннан алып чыккан. Аларга медицина ярдәме кирәк булмаган.
22.02 сәгатьтә янгын сүндерелгән. Янгын мәйданы 9 квадрат метр тәшкил иткән. Һәлакәт сәбәпләре билгеләнә. Подробнее: https://tatar-inform.tatar/news/incident/26-07-2020/kazanda-bish-katly-yortta-chykkan-yangynnan-ike-keshene-kotkargannar-5759248
