Тәслия Гарипова гөмбә маринадлау рецепты белән бүлеште.
Гөмбәләрне чистартып юасы, 5 – 7 минут пешерәсе. Яңадан салкын су белән әйбәтләп юып саркытасы. Гөмбәләрне аерым савытка салып, өсте күмелерлек итеп су өстисе. Тәмләткечләр салырга була. 1 килограмм гөмбәгә 1,5 аш кашыгы тоз, 1 чәй кашыгы шикәр комы, 2 аш кашыгы серкә, 3-4 данә канәфер, 3-4 данә түгәрәк борыч кирәк. Барысын бергә 10 минут кайнатасы һәм стерильләштерелгән банкаларга тутырып, каплап куясы. Базда сакларга.
